Dili, 02/08/2023: Vice-Primeiro Ministro, Ministro Coordenador dos Assusntos Social e Ministro de Desenvolvimento Rural e Habitação Comunitária, Eng. Mariano Assanami Sabino, hetan vizita kortejia husi delegasaun Banku Mundial.
Iha sorumutu ne’e, Diretór Rejionál Banku Mundial Mr. Daniel Dulitzsky, felisita Eng. Mariano Assanami Sabino, ba kargu foun ne’ebé nia simu.
Iha oportunidade ne’e parte rua mós ko’alia kona-ba kooperasaun servisu iha futuru ba dezenvolvimentu setór estratejiku sira iha área ekonomia, sosial no seluk tan.
Alende ne’e, parte Banku Mundial mós aprejenta projetu sira hanesan hari’i uma saúde nian ne’ebé oras ne’e sei la’o hela iha munisípiu balun.
Iha fatin hanesan, Vise-Primeiru Ministru Assuntu Sosial, agradese ba komitmentu Banku Mundial nian ne’ebé hakarak tebes hodi ajuda dezenvolve ekonomia povu nian iha Timor, liu-liu ba sira ne’ebé iha área rural.
Entretantu, Vise-Primeiru Ministru mós aprejenta planu dezenvolvimentu rural nian iha futuru hakarak, elimina má-nutrisaun, hadia ekonomia povu nian no sira seluk tan.
Media V-PM-MCAS-MDRHC
