Vise-Primeiru Ministru i Ministru Koordenadór Assuntu Sosiais Lansa Programa Habokur Karau iha Suku Lisadila
Dili, 04/08/2023: Vice-Primeiro-Ministro, Ministro Coordenador dos Asuntus Sosial e Ministro de Dezenvolvimentu Rural e Habitasaun Comunitária, (V-PM-MCAS-MDRHC), Eng. Mariano Assanami Sabino, lansa Programa Habokur Karau, iha Suku Lisadila, Postu Administrativu Maubara, Munisípiu Likisa.
Programa IX Governu Konstitusionál klaru ona katak, sei fó prioridade hodi dezenvolve setór agrikultura, pekuaria, peskas, floresta no turizmu, liu husi atividade hirak ne’e mak sei dudu ekonomia povu nian iha baze.
Rekursu aldeia no suku nian barak, maibé seidauk dezenvolve, tanba ne’e ba oin sei involve direita joven intelektual, no lideransa komunitaria sira atu ida-idak halo identifikasaun ba nia rekursu, hola-parte iha planu, no programa, bainhira governu tau ona osan sei hola-parte mos iha nia implementasaun, no kontinua avalia saida mak halo ona.
Mudansa no progresu balun ne’ebé atinze ona iha área eletrifikasaun, estrada balun hahú di’ak ona presiza aproveita hodi halo atividade ekonomika nune’e halo mudansa ba ida-idak nia moris.
Governu ida ne’e mós hanoin ona atu mellora di’ak liután bee ba komunidade, tanba bee ne’e fatór determinante ba ema nia moris, ba animal, ba ai-horis, liu-liu ba agrikultór sira.
Entretantu, Vice-Primeiro-Ministro, Ministro Coordenador dos Asuntus Sosial e Ministro de Dezenvolvimentu Rural e Habitasaun Comunitária, liu husi nia diskursu kompromete sei esforsu aan hodi hadia povu nia moris tuir kbiit governu nian iha mandatu tinan lima nia laran, ne’ebé konta ho entidade relenvante hotu nia apoiu.
Lansamentu programa Habokur Karau ne’e, partisipa direita husi Prezidente Repúblika, Dr. José Ramos Horta, Ministru Agrikultura, povu agrikultor sira, veteranu no sira seluk tan.
Media V-PM-MCAS-MDRHC
