Dili, 11/08/2023: Vice-Primeiro Ministro, Ministro Coordenador dos Assuntos Sociais e Ministro de Desenvolvimento Rural e Habitação Comunitária, Eng. Mariano Assanami Sabino, partisipa Selebrasaun Semana Mundial Susubeen-inan, iha Baukau-Villa.
Atividade Selebrasaun Semana Mundial Susubeen-inan ho tema “Kria ambiente hodi tulun ha’u, atu ha’u fó susu ha’u-nia oan iha fatin ne’ebé de’it” ne’e organiza husi Ministériu Saúde (MS), apoiu husi parseiru dezenvolvimentu sira.
Objetivu husi selebrasaun ne’e atu enkoraza inan-feton sira hodi kontinua fó susu been-inan ba oan hodi hasa’e sira nia imunidade, garantia kakutak ne’ebé matenek, saudavel no asegura labarik sira nia fíziku no mental.
Vice-Primeiro Ministro, Ministro Coordenador dos Assuntos Sociais Eng. Mariano Assanami Sabino, husu ema hotu halo reflesaun iha “Selebrasaun Semana Mundial Susubeen-inan” katak, inan hotu-hotu tenke disiplina fó susu ba oan iha fatin ne’ebé de’it, iha servisu fatin ka iha uma.
Bebé ne’ebé inan sira kous ne’e importante ba Timor, tanba ne’e presiza kuidadu atu sira livre husi má-nutrisaun, sira sei iha imunidade, fiziku no mental ne’ebé di’ak, mak labarik sira ne’e sei sai matenek iha futuru.
“Jerasaun ne’ebé atu lori rai ne’e ba oin, iha inan sira nia liman, tanba ne’e governu nian programa ne’ebé apoiu husi Unicef, Organizasaun Saúde Mundial, WFP, sira hotu governu lolo liman ba sira atu ita servisu hamutuk salva oan sira husi má-nutrisaun,” dehan, Vise-Primeiru Ministru.
Atu garantia implementasaun politika no programa governu nian mak inan aman no jeven sira hotu atu servisu hamutuk hari’i hari’i paz no dame iha ida-idak nia fatin.
Media V-PM-MCAS-MDRHC
