KOICA Alumni Assosiation of Timor-Leste (KAATL) Lansa Programa Jestaun Lixu iha EBC 30 de Agostu Komoro

Atividade nee organiza husi KOICA Alumni Assosiation of Timor-Leste (KAATL), ho tema “Importansia Jestaun Lixu ho Prinsipiu 5R, Refuse, Reduce Reuse, Recycle, Rot” hodi introduz ba estudante sira bele hatene maneza rasik lixu iha nia eskola no iha komunidade nia leet.

Prezidente KAATL, Ferderick Nelson Mandela Lopes, hatete, iha Timor jestaun lixu ohin loron sei sai problema boot, entaun sosializasaun nee halo iha eskola atu nunee estudante sira fila ba uma hanorin fali nia familia sira oinsá halo jestaun ba lixu.

“Se ita soe lixu arbiru ita nia ambiente sei hetan estragus, no ita sei hemu bee neebé foer, tanba nee mak ami oferese filtru-bee ba eskola ita sei ense bee husi torneira minutu 30 hanesan nee, estudante sira bele lori kantil neebe ami fahe ba ense hodi hemu,” dehan Ferderick, iha EBC 30 Agusto, Komoro.

Atividade nee halo iha eskola 30 de Agusto, tanba haree ba demografia populasaun Komoro ninia labarik barak eskola iha nee, entaun nee sai hanesan pilotu b ami espera ba oin atividade nee sei alarga ba eskola seluk iha futuru.

Vise-Primeiru Ministru, agradese ba KOICA iha Timor-Leste neebé fó ona oportunidade ba Timor oan sira estuda iha Korea, ohin loron fila fali mai implementa matenek neebé sira iha ajuda estadu hodi dezenvol povu no nasaun iha futuru.

Atividade neebé alumni KOICA sira halo nee importante tebes ba oin sei bele labele iha eskola ida nee deit ba mós eskola sira seluk.

“Hau husu ba Alumni KOICA sira sei bele atividade hanesan nee ba mós eskola sira seluk,” dehan Vise-Primeiru Ministru, iha Eskola EBC 30 Agusto, Komoro.

Kestaun ambiental nee importante tebes, tanba nee ba estudante sira labele tesi-ai arbiru, labele sunu rai, labele soe lixu arbiru, tenke kuidadu ambiente, tanba ambiente mak fó moris is moris.

Iha eskola sira haree rai sira neebé mak mamuk presiza kuda ai horis, halo kantadeiru kuda modo, halo kolam hakiak ikan iha laran hodi konsumu fila fali, tanba dadaun nee problema má-nutrisaun, raes badak, Timor ukupa hela númeru neebé as ho pursentu 47, númeru nee atu loos ka sala maibé ema prega ona.

Tanba nee, iha Ministru Koodenadór Assuntu Sosiais no Ministru Dezenvolvimentu rural esforsu halo liña koordenasaun ho ministeriu relevante sira hodi luta kontra ida nee.

Má-nútrisaun no stunting sae makas fatór ida mak bee neebé konsumu lor-loron la ijieñe, tanba nee ba oin sei orienta BTL. E.P. atu haree dezenvolve kanalizasaun bee-moos sira iha uma, iha jardim, labarik sira hambrok bele hemu direita, la presiza nono fali.

Dadaun nee governu halo impristimu husi ADB no doador sira hanesan, MCA-TL, I.P sira mós apoiu osan tokon $420 hodi haree ba bee-moos, iha Dili, parte Dom Aleixu no ba kapital munisípiu sira.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂