đđąđ„đą,đđ/đđ/đđđđ: Primeiru-Ministru Interinu, Eng. Mariano ASSANAMI Sabino, partisipa eventu Festival Kultura Xina iha Timor-Leste, neebĂ© realiza iha Kampus IOB, Fumentu, Dili.
Objetivu husi festival nee atu promove kultura Xineza hodi reforsa kultura Timor nian nunee bele eziste multi kultural iha nee.
Iha eventu nee, Primeiru Ministru em exersisiu, hatete, durante prosesu konstrusaun Estadu buat tolu (3) importante, Peace Building neebé halao iha tinan 1999, ho rekonsiliasaun no valores sira seluk neebé reforsa peace building, konstrusaun estadu neebé harii estadu ho baze konstituisaun neebé aprovadu halo ona tinan 21 no konstrusaun nasaun nee ho valores, prinsipiu no kultura.
âIta hotu mai husi etniku oin-oin, balun mai husi Xina, Arabe no seluk tan, maibĂ© ita mai ona iha illa ida nee ita sai ona povu Timorense, entaun kultura Xines neebĂ© ohin ita selebra nee parte ida husi konstrusaun nasaun neebĂ© bele reforsa liutan povu Timorense ho nia kultura, tradisaun no lisan,â dehan, Primeiru-Ministru interinu.Tanba nee, lori governu nia naran hakarak apresia ba Reitor IOB ho nia estrutura bele realiza eventu nee iha kampus.
Governu mós sei apoiu tomak formasaun lian mandarin iha nee, horisehik ami koalia ona ho Assosiasaun Komersiu Komunidade Timor Oan, ba oin bele haree, tanba nee lingua komersiu neebé importante ohin nasaun barak uza iha Mundu.
Timor rekoñese Xina hanesan nasaun maun alin, tanba sira mak rekoñese uluk Timor nia independensia neebé proklama iha 1975. Sira nia konsistensia iha Konsellu Seguransa ONU neebé mak sempre fó apoiu ba rezolusaun hotu-hotu neebé fó dalan ba auto determinasaun Timor nian nudar nasaun ida.
Xina nudar nasaun solidariedade antigu neebé ohin loron sei kontinua apoiu Timor nia dezenvolvimentu tuir vizaun Prezidente Xina, XI JINPING, kona-ba one belt, one road neebé lao ona iha fatin barak, maske Timor ho dezafius maibé oinså lao hamutuk ba paradise foun iha futuru.
Lori Primeiru-Ministru hakarak fó parabens ba Xineza Timorense no Xineza sira neebé foin mai, kultura nee laos ba povu Xinez Timorense nian deit, maibé sai ona parte integradu husi kultura Timor, no ohin ba oin nee sai ona riku soin neebé integra ba prosesu konstrusaun nasaun, ho eventu hanesan nee sei hametin liutan ita nia koezaun social.
đđđđąđ đđđ-đđđđ-đđđđđ
