𝐃𝐢𝐥𝐢, 𝟎𝟔/𝟎𝟗/𝟐𝟎𝟐𝟑: Primeiru-Ministru Interinu, Eng. Mariano ASSANAMI Sabino, lidera enkontru Konsellu Ministru (KM), hafoin Sua Exelensia Xefe Ezekutivu, Kay Rala Xanana Gusmão, dezloka ba Indonezia hodi partisipa enkontru altu nivel Asean nian durante seman ida.
Ho nunee, Sorumutuk Konsellu-Ministrus, aprova ona projetu Dekretu Governu, neebé aprezenta husi Ministra Finansas, Sra. Santina José Rodrigues F. Viegas Cardoso, kona-ba alterasaun dahuluk ba Dekretu Governu nú. 19/2022, loron 11 fulan-Maiu, relasiona ho klasifikadores orsamentais.
Atu fasilita komprensaun ba klasifikasaun foun husi reseitas no despezas públikas, ninia objetivu atu agrupa kategoria sira iha grupu lima nivel primeiru nian neebé korrespondente ho kategoria anteriór sira, hodi transforma kategoria sira neebé iha daudaun nee sai sub-kategoria, hodi halo klasifikasaun ekonómika despezas nian sai nivel haat.
Aproveita hodi halo mós detallu ba sub-kategoria operasoens extra-orsamentais nian, no mós halo korresaun oituan ba klasifikasaun.
Alende nee, Konsellu Ministrus mós aprova projetu Dekretu Lei, neebé aprezenta husi Ministru Prezidénsia Konsellu Ministrus, Agio Pereira no husi Sekretária Estadu, Elvina de Sousa Carvalho, neebé aprova Orgánika Sekretaria Estadu Igualdade nian.
Sekretaria Estadu Igualdade inklui servisus lubun neebé apoia Sekretária Estadu Igualdade iha ezersísiu ba ninia kompeténsia sira, liu-liu iha promosaun igualdade jéneru iha leis, polítikas públikas, planu estratéjiku no operasionál, programa governamentál sira no iha Orsamentu Jerál Estadu (OJE), iha sensibilizasaun públiku ba kestaun sira igualdade jéneru no inkluzaun, eliminasaun diskriminasaun no violénsia kontra feto no labarik no promosaun ba partisipasaun feto sira iha vida polítika no sosiu-ekonómika nasionál.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
