𝐃𝐢𝐥𝐢, 𝟏𝟖/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro do Desenvolvimento Rural e Habitação Comunitária Eng. Mariano ASSANAMI Sabino, konvoka reuniaun ho Embaixadór New Zeland, hodi kontinua fortifika relasaun bilateral neebé durante nee iha ona.
Enkontru, Embaixadór Nova Zelandia, Philip Hewitt, kontinua hatudu sira nia protidaun hodi fó nafatin asistensia servisu ba Timor liu husi setór importante sira hanesan, diversifikasaun ekonomia, edukasaun, seguransa, turizmu no agrikultura.
“Timor-Leste ho Nova Zelandia parseiru ne’ebé metin tebes ona, ne’e mak ha’u mai ko’alia ho Vise-Primeiru Ministru oinsá bele servisu hamutuk diversifika ekonomia no área oioin ne’ebé presiza ami nia tulun,” dehan, Embaixadór, iha Palasiu Governu.Iha área agrikultura nian Nova Zelandia servisu hamutuk ho Klinika Kafé Timor (CCT), oinsá hasae kuantidade produsaun no gante kualidade kafé iha Timor-Leste.
Iha setór edukasaun nian ami servisu hamutuk ho Ministériu Edukasaun kona-ba ajuda bolsu estudu ba Timor-oan sira bele kontinua estudu.
Iha seguransa nian Nova Zelandia servisu hamutuk ho Polisia Nasionál Timor-Leste (PNTL) hodi fó seguransa ba komunidade sira, liu-liu husi implementasaun Konsellu Polisiamentu Komunitariu (KPK), neebé involve komunidade oinsá bele fó seguru ba sira nia aan.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
