Realiza Enkontru ho Parseiru Dezenvolvimentu Sira

Ohin iha enkontru importante ida ho parseiru hotu-hotu ne’ebe mak halai ba servisu hamutuk liu-liu ba Má-nutrisaun, hanesan hotu-hotu hatene katak, Prezindente Repúblika Dr. José Ramos Horta, apela no orienta oinsá salva labarik sira.

Enkontru koordenasaun ohin ho parseiru dezenvolvimentu sira mak hanesan, JICA, UNICEF, Word Bank, KOICA, UE, UNFPA, UNDP, WFP, FAO, WHO, ADB, no IFC, no antes ne’e Ministru Koodenadór Assuntu Sosiais, realiza ona enkontru interministerial sira ne’ebé halai liuba servisu social nian.

“Liga ba isue sira ne’e, ohin ba oin, ita presiza enkontru koordenada hodi sinkroniza no harmoniza planu no programa sira atu ita hatene, se mak halo saida, se mak halo ho se, apoiu iha ne’ebé, atu ita asaun ida, hodi monitoriza no avalia nia rezultadu,” dehan, Ministru Koodenadór Assuntu Sosiais, iha Palasiu Governu.

Enkontru koodernada sira ne’e, oinsá realiza Xefe Estadu nia hanoin kona-ba kombate má-nutrisaun ne’ebé ohin loron Timor-Leste okupa ona pursentu 47.

Iha enkontru, alende diskute kestaun má-nutrisaun, diskute mós problema joven sira nian ne’ebé ohin loron sai kauza nasionál mak hanesan, kampu serivisu, edukasaun, no saúde.

Servisu koordenasaun sai dezafiu, tanba ita halo koordenasaun husi leten to’o iha área rurais sira no tanba ne’e mak ohin halo enkontru ida importante, enkontru ida ne’e ho konkluzaun ida sei hamosu Task Force ida ba dezenvolvimentu kapital, sosial no hamosu mós stering Comitte ida atu sinkroniza, harmoniza no monitoriza servisu sira ne’e.

Entaun, sei hamosu stering Comitte atu bele harmoniza planu atividade ho di’ak, ohin fó ona responsabilidade ba ajensia tolu hanesan WFP, Word Bank no UNICEF, hodi formula planu no programa atu nune’e stering Comitte sira bele halo servisu hamutuk ho di’ak.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂