𝐃𝐢𝐥𝐢, 𝟐𝟎/𝟎𝟗/𝟐𝟎𝟐𝟑: Vise-Primeiru Ministru, Ministru Cordenadór dos Assuntos Sosiais, Ministro Desenvolvimento Rural e Habitação Comonitária Eng. Mariano ASSANAMI Sabino, assume resposabilidade nudar Primeiru-Ministru Interinu hafoin Sua Exelensia Xefe Governu, Kay Rala Xanana Gusmão, auzensia hodi dezloka ba Repúblika Xina.
Vise-Primeiru Ministru simu responsabilidade ida nee bazeia ba despaixu Sua Exelensia Primeiru-Ministru ho númeru referensia 105/PM-GPM/IX/2023, durante semana ida nia laran hahú husi loron 20 too 27, fulan-Setembru, 2023.
Xefe Governu nia vizita ba Xina hodi partisipa serimonia abertura “Asean Games” neebé realiza iha sidade Hangzhou, kapital Xineza iha Zhejiang.
Alende nee, Xefe Governu ho nia delegasaun mós sei enkontru bilateral ho Prezidente Repúblika Xina, Mr. Xi Jinping. Iha enkontru nee parte rua sei diskute varius assuntus neebé aborda ba interese Timor nian.
Enkuantu, iha vizita nee, Xefe Governu mós sei partisipa serimonia ida iha Universidade Hangzhou, hodi hasoru malu mós ho investidores oi-oin hodi mai investe iha Timor.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
