𝐃𝐢𝐥𝐢, 𝟐𝟎/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural, Habitação Comunitária e Primeiro Ministro em exersisiu Eng. Mariano ASSANAMI Sabino, simu audensia husi ekipa Banku Rakyat Indonesia (BRI), hodi diskute assuntu bankáriu iha Timor-Leste.
Ekipa BRI neebé lidera husi General Manajer BRI iha Timor-Leste, Mr. Roby F. Satraamadja, sente kontente tanba bele hasoru malu ho Vise-Primeiru Ministru hodi diskute assuntu sira neebé presiza servisu hamutuk ba oin hodi apoiu povu Timor-Leste tuir planu no programa governu nian.
“Ami nia esperansa ba oin ami bele apoiu programa governu Timor-Leste nian, ba setór públiku no privadu liu-liu iha área bankáriu nian,” dehan, Jeneral Manajer nee iha Palasiu Governu.Jeneral Manajer nee akresenta katak, Vise-Primeiru Ministru ho vontade tomak simu audensia nee no sua exelensia rasik simu ideias sira neebé hatoo husi parte BRI nian ho pozitivu.
Enkontru entre parte rua lao ho diak, ba oin sei diskute diak liutan assuntu tekniku sira hodi implementa planu sira neebé atu halo.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
