𝐃𝐢𝐥𝐢, 𝟐𝟏/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural, Habitação Comunitária e Primeiro Ministro em exersisiu Eng. Mariano ASSANAMI Sabino, fó pose ba Prezidente Intitutu Nasionál Kombate HIV-SIDA (INCSIDA), I.P. Rev. Daniel Marçal, hodi subtitui prezidente sensante, Sr. Anastacio de Jesus, ba periodu tinan haat (4).
Iha serimonia tomada de pose, Primeiru-Ministru Interinu, konsidera instutuisaun nee importante, tanba nee prezidente foun no prezidente sesante hamutuk ho funsionariu tomak kontinua koopera malu, servisu hamutuk hodi kombate HIV-SIDA iha Timor.“Atu instituisaun lao diak presiza hotu-hotu nia esforsu, tenke servisu hamutuk, fahe servisu ba malu hodi fortifika instituisaun nee ba oin hodi haree afetadu sira no tenke esforsu prevene jovens seluk labele sofre tan moras nee,” dehan, Primeiru-Ministru Interinu, iha Sala Enkontru PCM, Palasiu Governu.
Prezidente foun tenke servisu makas, halo planu programa ho nia prioridade neebé efetivu no efisiensia.
Maiske lei órganika instituisaun tutela ba PM, maibé delega tiha mai Vise-PM, maibé tenke mantein koordenasaun ho MSSI, tanba relatoriu servisu sei hatoo ba MSSI no Vise-PM.
Iha enkontru Ministru Koodenador Assuntu Sosiais nia ministeriu tolu mak sei tau matan hanesan, MSSI, Ministériu Saúde (MS) no Ministériu Edukasaun (ME).
Sua exelénsia Primeiru-Ministru, Kay Rala Xanana Gusmão, iha seriedade tomak hakarak fortifika instituisaun nee no orienta ona Ministra Saúde atu haree doutor espesialista sira atu tau matan ba pasiente ho moras HIV-SIDA.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
