𝐃𝐢𝐥𝐢,𝟐𝟐/𝟎𝟗/𝟐𝟎𝟐𝟑:Ministériu Dezemvolvimentu Rurál no Habitasaun Komunitaria liu husi diresaun jerál sira, dadaun nee halao hela diskusaun Planu Asaun Anuál (PAA), define program ida-idak no atividades detailladas ho nia indikadór sira, metas inklui nia orsamentu sira neebé liga ba kategoria bens no servisu, kapitál dezemvolvimentu, kapitál menor, transferensia públikas inklui sálariu no vensimentu.
Tuir dekretu lei Dekretu-Lei N.º 67/2023 de 14 de Setembru, Orgânika Ministério Desezenvolvimento Rurál e Habitação Comunitária fahe ba diresaun jerál tolu nebee importante mak hanesan Diresaun Jerál Dezemvolvimentu Rurál, Diresaun Jerál Habitasaun Komunitaria no Diresaun Jerál ba Servisu Korporativu inklui kria mós Diresaun Nasionál sira mak hanesan, Diresaun Nasionál Polítika Dezemvolvimentu Integradu, Diresaun Nasionál ba Infraestrutura Rurais, Diresaun Nasionál ba Inovasaun, Promosaun no Kapasitasaun, Diresaun Nasionál ba Polítika Habitasaun Komunitaria, Diresaun Nasionál ba Dezemvolvimentu Habitasaun Komunitaria, Diresaun Nasionál ba Kontrolu Kuálidade Habitasaun, Diresaun Nasionál ba Administrasaun no Rekursu Humanu, Diresaun Nasionál ba Aprovizionamentu, Diresaun Nasionál ba Finansa, Patriomoniu no Lojistika inklui Unidade ida ba Parseria no Kooperasaun.
Related Posts
Related Posts
Related Posts
Álende, ministériu mós kria apoiu gabinete sira mak hanesan Gabinete ba Transformasaun no Digitálizasaun, Gabinete ba Inspesaun no Audtória, Gabinete ba Apoiu Juridiku, atu apoi ba servisu integradu ministériu nee nian, kria mós Orgaun Konselhu Konsultivu nudar parte ida hodi halo koordenasaun no akompañamentu ba polítika Ministeriu Dezemvolvimentu Rurál no Habitasaun Komunitaria.
Entertantu, bazeia ba kálendarizasaun neebé distribui husi Ministeriu Finansas ba kada ministériu katak, prosesu preparasaun no elaborasaun ba proposta orsamentu komesa iha fulan-Setembru no haruka ba Ministeriu Finansas hafoin hálo análiza ba proposta orsamentu no prepara pasa verde, tuir planu iha kálendariu neebe sirkula, Governu da-sia sei aprezenta Proposta Projetu Lei (OJE) tinan 2024 ba Parlamentu Nasionál iha fulan-Novembru 2023.
𝐌𝐢́𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
