ðð¢ð¥ð¢,ðð/ðð/ðððð: Primeiru-Ministru em exersisiu Eng. Mariano ASSANAMI Sabino, konvoka reuniaun Konsellu Ministru Extra Ordinariu hodi aprova projetu Proposta Lei, alterasaun datoluk ba Lei n. 3/2014, loron 18 fulan-juñu, neebé kria Rejiaun Administrativa Espesiál Oekusse Ambeno (RAEOA) no Estabelese Zona Espesiál Ekonomia Sosiál Merkadu (ZEESM) Oekusse Ambeno no Ataúro.
Ho objetivu atu dudu dezenvolvimentu nasionál, atu estabelese kuadru jurÃdika ida neebé adekuadu ba ZEESM iha territóriu tomak, promove bem estár populasaun nian no solidariedade nasionál.
Kona-ba nee, propoin atu halakon referénsia hotu iha ZEESM Oekusse Ambeno no Ataúro, atu nunee permite kria kuadru legál foun ida ba ZEESM iha Timor-Leste neebé bele aplika ba área oioin iha territóriu nasionál no la limita ba enklave Oekusse Ambeno no ba Illa Ataúro deit.
Tuir projetu Proposta Lei neebé aprova daudaun nee, podér tutela nian kona-ba RAEOA nian eskluzivamente sei ezerse husi Primeiru-Ministru, envés husi Governu hotu. Hodi halakon referénsia zona ekonómika sira neebé regula ho lejizlasaun espesiál neebé sei aprova. Podér regulamentu Rejiaun sei halo tuir Konstituisaun no Lei, no halakon konseitu estranjeiru sira no la tuir realidade nasionál. Aprovasaun ba regulamentu administrativu sira husi Rejiaun nian depende ba paresér vinkulativu husi Primeiru-Ministru. Orsamentu Rejiaun nian nuudar parte integrante ida husi Orsamentu Jerál Estadu.
Impostu no taxa sira neebé kobra iha Rejiaun nee nuudar reseita rasik, tuir lejizlasaun neebé sei aprova neebé sei regula ninia afetasaun. Sasán sira husi domÃniu públiku no privadu Estadu nian neebé daudaun nee uza hela sei la entrega ba rejiaun nee.
Organizasaun no funsionamentu órgaun rejionál sei regula tuir dekretu-lei. Nomeasaun membru sira Autoridade RAEOA nian sei halo husi Konsellu Ministrus, liu husi proposta Primeiru-Ministru nian. RAEOA sei hatán deit ba Primeiru-Ministru, hodi garante separasaun podér sira.
Prezidente Autoridade Rejiaun sei hetan impedimentu legál neebé define ona, hanesan ho deputadu sira Parlamentu Nasionál nian. Iha kazu auzénsia ka impedimentu husi Prezidente Autoridade, nia sei substitui husi membru neebé hili ona husi Primeiru-Ministru.
Prosesu ezonerasaun Prezidente Autoridade nian sei regula iha artigu foun. Konsellu Konsultivu sei sai hanesan órgaun konsultivu Prezidente Autoridade nian. Sei bele indika reprezentante ida husi kada munisÃpiu Oekusse Ambeno ba Konsellu Konsultivu.
Reseita sira rejiaun nian sei investe iha rejiaun nuudar prioritáriu, no investimentu seluk fora husi rejiaun presiza autorizasaun husi Governu.
Elimina ona Rejime fiskál independente nee, maibé bele estabelese taxa impostu neebé diferente iha rejiaun. Revoga ona Rejime espesiál aprovizionamentu, hodi agora aplika Rejime jurÃdiku aprovizionamentu nasionál. Autoridade sei la iha funsoens regulasaun no fiskalizasaun finanseira, no responsabilidade nee iha Banku Sentrál. La iha ona rejime aduaneiru rasik, maibé lei bele estabelese prosedimentu aduaneiru espesiál ka simplifikadu sira.
Jestaun Fundu Dezenvolvimentu Rezionál sei regula husi dekretu-lei Governu. Rejime funsionárius públikus iha rejiaun nee sei aliña ho funsionáriu sira seluk husi paÃs nee, ho exesoins neebé define ona hosi dekretu-lei. Governu sei regulamenta grau autonomia RAEOA. Norma sira relasiona ho mandatu Prezidente Autoridade nian, neebé sei aplika ba membrus Autoridade seluk. Mandatu Autoridade no Prezidente nian automatikamente sei sesa bainhira lei foun sira vigora.
Kontratu sira neebé selebra ona iha ZEESM Oekusse Ambeno no Ataúro nia naran transfere automatikamente ba Rejiaun.
ðððð¢ð ððð-ðððð-ððððð
