ðð¢ð¥ð¢,ðð/ðð/ðððð:Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano ASSANAMI Sabino, partisipa sorumutuk Konsellu Ministrus (KM), hodi aprova ona projetu Rezolusaun Governu nian neebé aprezenta husi ministru sira.
Konsellu Ministrus aprova ona projetu Rezolusaun Governu neebé aprezenta husi Ministru Prezidénsia KM, Sr. Agio Pereira, kona-ba Kódigu Konduta Membrus Governu Konstitusionál IX nian, kompromisu autorregulatóriu ida neebé orienta konduta Governante no membru sira husi sira-nia gabinete bainhira halao sira-nia funsaun.
Kódigu Konduta nee abranje prinsÃpiu esensiál sira, hanesan prosekusaun interese públiku, legalidade, transparénsia, imparsialidade no igualdade, integridade, onestidade, urbanidade no respeitu interinstitusionál. Dokumentu nee ezije mós katak membru sira Governu nian adota postura ida ba prevensaun no kombate korrupsaun no konflitus interese. Kria ona mós regras lubuk ida neebé iha relasaun ho oferta no benefÃsius, no mós iha kombate ba asédiu seksuál no asédiu iha serbisu, hodi asegura integridade no responsabilidade iha funsaun públika.
Adosaun ba kódigu konduta ida-nee reforsa kompromisu Governu Konstitusionál IX nian ho transparénsia, étika no responsabilidade hosi ninia membru sira bainhira halao sira-nia funsaun, hodi promove konfiansa sidadaun nian ba instituisaun sira Estadu Direitu nian.
Konsellu Ministrus aprova ona projetu Proposta Rezolusaun Parlamentu Nasionál nian ida, neebé aprezenta husi Ministra Finansas, Sra. Santina José Rodrigues F. Viegas Cardoso, ba ratifikasaun, adezaun, ba Konvensaun Internasionál kona-ba Sistema Armonizadu Dezignasaun no Kodifikasaun Merkadorias, neebé selebra iha Bruxelas, iha loron 14 fulan-juñu tinan 1983, no, ba aseitasaun, husi Protokolu Emenda ba Konvensaun neebé elabora ona husi Konsellu Kooperasaun Aduaneira iha loron 24 fulan-juñu tinan 1986.
Konsidera katak Konvensaun Internasionál ida-nee adota nomenklatura pautál [lista kategorias husi tarifa sira] neebé hanesan iha nivel universál, neebé Timor-Leste tuir ona, no ho konsiderasaun katak Timor-Leste nuudár membru Organizasaun Mundiál Alfándegas, no iha hela prosesu adezaun ba Organizasaun Mundiál Komérsiu no ba Asosiasaun Nasoins Sudeste Aziátiku, integrasaun Timor-Leste iha sistema komérsiu internasionál sei hametin ho adezaun ba Konvensaun ida-nee.
Aprova ona mós projetu Dekretu Governu, neebé aprezenta husi Ministra Finansas, Santina José Rodrigues F. Viegas Cardoso, kona-ba alterasaun dahuluk husi Dekretu Governu n. 18/2022, loron 11 fulan-maiu, neebé regula programa orsamentál sira.
Esperiénsia implementasaun husi orsamentasaun tuir programa rekomenda hodi halo ajuste kiik sira ba diploma nee, liuliu kona-ba limitasaun husi númeru programa sira neebé relasiona ho despeza investimentu no estruturasaun programa neebé iha relasaun ho despeza sira funsionamentu nian.
Tanba nee, kona-ba konstrusaun programa orsamentál sira, estabelese agora katak kada tÃtulu orsamentál bele inklui, másimu, programa tolu neebé asosia ba despeza investimentu nian. Programa neebé destina ba despeza funsionamentu nee sei subdivide ba sub-programa neebé abranje funsionamentu institusionál no dezenvolvimentu institusionál. Kona-ba programa sira neebé relasiona ho despeza investimentu, hirak-nee sei fahe ba sub-programa neebé korresponde ba área atuasaun servisu oioin no entidade Setór Públiku Administrativu nian, exetu tÃtulu âDotasaun Jerál Estaduâ no tÃtulu espesiál sira neebé la iha baze orgánika.
Aprova ona projetu Dekretu Governu, neebé aprezenta mós husi Ministra Finansas, Santina José Rodrigues F. Viegas Cardoso, ba alterasaun dahuluk hosi Dekretu Governu n. 19/2022, loron 11 fulan-maiu, kona-ba klasifikadores orsamentais.
Atu fasilita kompriensaun husi klasifikasaun ekonómika foun reseita no despeza públika nian, ho objetivu atu redús kategoria reseita ba ualu no despeza ba lima, neebé mantein, detalle neebé hanesan iha nivel rubrika no sub-rubrika. Aproveita mós, hodi ajusta kódigu klasifikasaun ekonómika no klasifikasaun funsionál, atu halo detalla kategoria operasaun estraorsamentál sira, nunee mós atu halo korresaun kiik ba klasifikasaun.
Ikusliu, Konsellu Ministrus delibera ona hodi autoriza konkluzaun negosiasoins kona-ba adezaun Timor-Leste ba Organizasaun Mundiál Komérsiu (OMK), no mós asina akordu sira neebé nesesáriu, iha prosesu ida-neebé sei lidera husi Xefe Negosiadór kona-ba Adezaun Timor-Leste ba OMK, Vise-Primeiru-Ministru, Ministru Koordenadór Asuntus Ekonomikus no Ministru Turizmu no Ambiente, Francisco Kalbuadi Lay, husi loron 7 too loron 11 fulan-outubru, iha Jenebra, iha Suisa.
ðððð¢ð ððð-ðððð-ððððð
