tes
TUNUBIBI (24/09) — Grupu Benefisiáriu Pekuaria “Haki’ak Manu Broiler” iha Aldeia Tunubibi susesu asesu ba merkadu lokál liu husi fa’an manu broiler hamutuk 200 iha Kinta (24/09) ne’e.
Iha transasaun ne’e, sira fa’an ho folin $6.00 kada manu broiler, ne’ebé lori rendimentu brutu hamutuk $1,200 ba grupu benefisiáriu sira.
Susesu fa’an manu ne’e hatudu progresu no dedikasaun husi membru grupu sira iha aldeia hodi jere atividade pekuaria nian, husi faze haki’ak to’o prosesu komersializasaun iha merkadu. Rendimentu ne’ebé hetan sei uza hodi kontinua sustentabilidade siklu haki’ak tuir mai no ajuda hasa’i ekonomia família membru sira nian.
Aktividade ne’e sai hanesan pasu meiu sustentável ida hodi reforsa segurana ai-han proteina iha nível komunidade no foti poténsia pekuaria iha Aldeia Tunubibi.
Media MDRHC