tes
Dili, 29 setembru 2026 — Gabinete Transformasaun no Digitalizasaun, liu husi Departamento Integrasaun Software, hala’o formasaun ba Ponto Fokal Finansas husi Gabinete no Direksaun Sira iha Ministério Dezenvolvimento Rural no Habitação Comunitária (MDRHC), ho Objetivu atu hametin kapasidade iha prosesu inserir no atualizasaun dadus Ezekusaun Orsamentu.
Formasaun ne’e hala’o husi 21 to’o 28 Setembru 2026, iha MDRHC, Palásiu do Governu, cobe House, Kaikoli. Formasaun ne’e fasilita husi Xefe Departamento Unidade Integrasaun Software (UIS) hamutuk ho tékniku sira husi Gabinete Apoiu Tékniku no Digitalizasaun (GATD). Objetivu prinsipál mak atu asegura katak Ponto Fokal Finansas iha Gabinete no Diresaun sira iha kapasidade atu hatama no atualiza dados Ezekusaun Orsamentu ho lo’os, kompletu no tuir dadus validu husi FreeBalance.
Dadus ne’ebé hatama husi Ponto Fokal sira sei integra ba sistema Dashboard Ezekusaun Orsamentu MDRHC, atu nune’e bele aprezenta informasaun kona-ba progresu no situasaun Ezekusaun Orsamentu iha nivel unidade orgánika ida-idak no mos iha nivel MDRHC tomak. Dashboard ne’e sei fasilita asesu ba informasaun ba Ministru, Xefe Gabinete, Diretor-Geral no Diretor Nasionál sira iha estrutura MDRHC, atu bele akompanha no komprende situasaun Ezekusaun Orsamentu bazeia ba dadus ne’ebé atual no validu.
17 Unidade Orgånika Partisipa
Formasaun ne’e envolve Ponto Fokal husi 17 unidade orgånika, ne’ebé inklui:
- Gabinete de Direcäo Geral de Desenvolvimento Rural
- Direcão Nacional de politicas de Desenvolvimento Rural Integrado
- Direcão Nacional de Infraestruturas Rurais
- Direcão Nacional da Inovação, Promosão e Formacão
- Gabinete do Diretor-Geral de Habitação Comunitária
- Direcão Nacional de Politica de Habitação Comunitária
- Direção Nacional de Desenvolvimento da Habitação Comunitária
- Direcão Nacional de Controlo de Qualidade da Habitação
- Gabinete de Direção-Geral dos Servicos Corporativos
- Direção Nacional de Administração e Recursos Humanos
- Direção Nacional de Aprovisionamento
- Direção Nacional de Finanqas, Património e Logistica
- Unidade de Cooperação e Parceria
- Gabinete do Ministro do Dezenvolvimento Rural e Habitação Comunitária
- Gabinete de Inspeção e Auditoria
- Gabinete de Apoio Juridico
- Gabinete Transformação e Digitalização
Depois de remata formasaun, hahú husi 30 Setembru 2026, Ponto Fokal Finansas iha kada unidade orgánika sei hahú prosesu hatama no atualiza dadus Ezekusaun Orsamentu bazeia ba informasaun ne’ebé validu no kompativel ho dadus iha FreeBalance.
Prosesu ida ne’e importante tebes atu asegura katak informasaun ne’ebé aprezenta iha Dashboard Ezekusaun Orsamentu MDRHC reflete situasaun real no atual kona-ba ezekusaun orsamentu.
Dadus ne’ebé konsolida iha Dashboard sei permite utilizadór autorizadu atu hare’e no monitoriza progresu Ezekusaun Orsamentu, tantu iha nivel divisaun orgánika ida-idak hanesan mos iha nivel MDRHC tomak. Implementasaun Dashboard Ezekusaun Orsamentu MDRHC nu’udar parte husi esforsu Gabinete Transformasaun no Digitalizasaun atu utiliza teknolojia no sistema informasaun hodi hadi’a jestaun dadus institusionál. Ho disponibilidade dadus ne’ebé atual, konsistente no validu, sistema ne’e bele ajuda lideransa no responsavel Sira iha MDRHC atu monitoriza Ezekusaun Orsamentu, identifika progresu, haree diferensa entre planeamentu no realizasaun, no suporta prosesu tomada desizaun bazeia ba informasaun ne’ebé disponivel iha sistema.
Gabinete Transformasaun no Digitalizasaun, liu husi Departamento Integrasaun Software, . sei kontinua apoia Ponto Fokal sira iha prosesu implementasaun, atualizasaun no manutensaun dadus, ho objetivu atu asegura qualidade, akuråsia no atualidade dadus Ezekusaun Orsamentu MDRHC.
Media MDRHC