Skip to content

Diresaun-Jeral ba Servisu Korporativu, hanesan DGSC, mak servisu husi MDRHC ne’ebé responsável atu garante apoiu tékniku no administrativu ba Ministru, Diresaun-Jeral no servisu seluk Ministériu nian, iha área administrasaun, finansas, rekursu umanu, aprovisionamentu, lojístika no jestaun patrimóniu.

 

DGSC nia responsabilidade mak:

  1. Propoin, promove no disemina polítika, estratéjia, prosedimentu no padraun sira relasiona
    ho servisu korporativu, jestaun dezempeñu no kualidade servisu;
  2. Garante jestaun rekursu umanu ba Ministériu, la afeta funsaun Komisaun Servisu Públiku
    nian;
  3. Garante apoiu logístiku ba atividade sira ne’ebé dezenvolve husi órgaun no servisu sira iha
    Ministériu;
  4. Garante prosesu aprovisionamentu no jestaun kontratu públiku ne’ebé envolve Ministériu;
  5. Garante prosesu despeza relasionadu ho atividade Ministériu nian;
  6. Garante jestaun, rejistu no arkivu dokumentu sira relasionadu ho atividade órgaun no servisu
    sira iha Ministériu nia laran;
  7. Garante elaborasaun proposta Planu Asaun Anuál, orsamentu no Planu Aprovisionamentu
    Ministériu nian;
  8. Garante jestaun patrimóniu Estadu ne’ebé afeta ba Ministériu;
  9. Dezenvolve, implementa no disemina padraun atendimentu ba uza, inklui mekanizmu
    feedback ba dezenvolvimentu kontinua melhoria servisu nian;
  10. Garante servisu protokolu no relasaun públiku;
  11. Realiza asaun formasaun ba rekursu umanu Ministériu nian;
  12. Dinamiza Grupu Trabalhu Nasional no Jéneru Ministériu nian;
  13. Elabora informasaun no relatóriu sira ne’ebé solisita husi Ministru;
  14. Exersese tarefa seluk ne’ebé atribuídu husi lejizlasaun, regulamentu ka desizaun superiór.

DGSC integra servisu sira hanesan tuir mai:

  1. Diresaun-Nasionál Administrasaun no Rekursu Umanu;
  2. Diresaun-Nasionál Aprovisionamentu;
  3. Diresaun-Nasionál Finansas, Patrimóniu no Logístika.
  4. Unidade Kooperasaun no Parseria.

DGSC diriji husi Diretor-Jeral, ne’ebé subordinadu ho Ministro, no nomeadu tuir termu sira husi réjimu jurídiku ba kargu diresaun no xefia iha Administração Públika.

*RESOURCE: DECRETO-LEI N.º 67/2023 de 14 de Setembro Artigu 18.º Diresaun-Jeral Servisu Korporativu