Dili, 18/07/2023: Vice-Primeiro Ministro e Ministro Coordenador dos Assuntos de Desenvolvimento Rural (V-PM-MCADR), Eng. Mariano Assanami Sabino, akompaña Sua exélensia, Primeiru-Ministru, Kay Rala Xanana Gusmão, partisipa debate programa governu da-sia, iha Parlamentu Nasionál (PN).
Programa governu ne’ebé dadaun ne’e debate hela iha PN antes ne’e hetan ona aprovasaun liu husi Konsellu Ministru (KM), iha loron 12 fulan Jullu, 2023, iha Palásiu Governu, Dili.
Programa ne’ebé debate dadaun ne’e konsidera importante, tanba ne’e bainhira Parlamentu Nasionál aprova no hetan promulga husi Prezidente Repúblika (PR), mak governu sei adota programa ne’e iha nia mandatu.
Programa governu importante ne’ebé oras ne’e debate hela iha PN ne’e hamutuk neen (6), mak hanesan, afirma filafali Estadu Direitu Demokrátiku, Dezenvolvimentu Kapitál Sosiál, Dezenvolvimentu infraestruturas, Dezenvolvimentu Ekonomia, Konsolidasaun Governativa no Boa Governasaun, no Kombate hasoru Korrupsaun.
Media V-PM-MCADR
