Baukau, 21/07/2023: Vice-Primeiro Ministro e Ministro Coodernador dos Assuntos de Desenvolvimento Rural. Eng. Mariano Assanami Sabino, partisipa missa Ordenasaun Epískopal Dom. Leandro Maria Alves, iha Katedra Baukau.
Vise-Primeiru Ministru no hanesan sarani ida ne’ebé mós pertense ba Dioseze Baukau sente kontente ho prezensa bispu foun, ne’ebé mai subtitui Amu Bispu mak-toban Dom. Basilio do Nascimento ne’ebe husik sarani sira tinan ida (1) resin ona.
Uma kreda katólika hakerek ona iha hitoria Timor nian, la’os de’it ona sai sentru fian nian, maibé sai sentru formasaun hodi transforma ema liu husi siensia oi-oin.
Igreza nia prejensa husi inisiu to’o ohin loron kontribui ona buat barak ne’ebé labele sura no labele sukat, husi uma kreda mak produz matenek Timor ona lubuk ida, hahú husi Saudozu Avo Francisco Xavier do Amaral, Prezidente Nicolao Lobato, mai to’o Maun Boot Xanana no sira seluk ne’ebé la temi ida ba ida, naran sira ne’ebé temi iha leten sira sai lider, sai komandante hodi lidera funu, iha prosesu lubuk ita hakur ho situasaun defisil, lider matenek sira balun mate, maibé lider matenek balun mos mosu mai hodi kontinua to’o ohin loron nasaun ne’e livre husi kolonialista sira
Iha erra independensia, igreza nafatin mós hola papel importante hodi apoiu estadu dezenvolve setór edukasaun no sira seluk, tanba ne’e hanesan membru governu ida no sarani ida mós nafatin fó apresiasaun ás ba prezensa igreja katólika iha Timor.
Esperansa ba Amu Bispu foun Dom. Leandro Maria Alves, bele sai bibi-atan foun ne’ebe sai Sentru Unidade, ba relijiozu no relijioza tomak hodi servi sarani sira no uma kreda igreza katólika iha Timor, espesialmente Dioseze Baukau.
Serimonia Missa Ordenasaun Epískopal Dom. Leandro Maria Alves, partisipa direita husi, Amu Bispu husi Kupan (NTT), Amu Bispu husi, Austrália, Amu Bispu Dioseze Maliana, Amu Cardeal, relijiozu no telijioza sira, sarani husi Dioseze Maliana, Dili, Baukaun, Diplomata sira, Sivil no militares, Veteranus no Governante sira.
Media V-PM-MCDAR.
