V-PM-MCAS-MDRAC Partisipa Reuniaun Mini Komité Revizaun Orsamentu Retifikativu 2023
Dili, 28/07/2023: Vice-Primeiro-Ministro, Ministro Koordenador dos Asuntus Sosiais e Ministro de Dezenvolvimentu Rural e Abitasaun Komunitária, (V-PM-MCAS-MDRAC), Eng. Mariano Assanami Sabino, partisipa reuniaun Mini Komité Revizaun Orsamentu Retifikativu 2023.
Antes ne’e ba prosesu elaborasaun Orsamentu Retifikativu 2023 nian, parte Ministériu Finansas halo ona sesaun traballu ho membru governu da-sia, iha loron 14, Jullu, 2023 liu-ba.
Tanba ne’e, bazeia ba instrusaun husi S.E. Primeiru-Ministru, Kay Rala Xanana Gusmão nian, dala ida tan realiza Mini Komité Revizaun Orsamentu hodi finaliza Proposta Orsamentu Retifikativu 2023.
Relasiona ho asuntu ne’e mak Ministériu Finansas konvida hikas membru governu sira no hetan akompañaamentu husi diretores iha área planeamentu finansas nomos dirijente masimu husi instituisaun tuteladas.
Reuniaun Mini Komité Revizaun Orsamentu Retifikativu ne’e, prezide direita husi S.E. Primeiru-Ministru, ho nia membru sira mak hanesan, Vise-Primeiru Ministru Assuntu Ekonomiku, Vise-Primeiru Ministru Assuntu Sosial, Ministra Finansas, Ministru Obras Públika, Ministru Planeamentu no Investimentu Estratéjiku.
Reuniaun ne’e apoiu husi Diresaun Jerál Planeamentu no Orsamentu (DJPO), Ministériu Finansas no Sekretariadu Grande Projetu, Ajénsia Dezenvolvimentu Nasionál (ADN), Komisaun Nasionál Aprovizionamentu (CNA), nu’udar Sekretariadu ba Komité Revizaun Orsamentu Retifikativu 2023.
Sesaun reuniaun Mini Komité Revizaun Orsamentu Retifikativu ne’e hahú iha loron 28-31 fulan-Jullu 2023, tiha Auditóriu Ministériu Finansas Ai-tarak laran.
Media V-PM-MCAS-MDRAC
