Vise-Primeiru Ministru Reuniaun ho Embaixador Indonézia Diskute Assuntu Dezenvolvimentu Rural no Abitasaun Komunutária
Dili, 16/08/2023: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano Assanami Sabino, reuniaun ofisial ho Embaixadór Indonezia ne’ebé rezidente iha Timor-Leste, iha Palasiu Governu.
Iha enkontru ne’e, Embaixadór Indonezia Sr. Octo Dorinus Manik, ho ekipa hato’o nia felisitasaun ba Vise-Primeiru Ministru relasiona ho kargu ne’ebé Estadu Timor-Leste atribui hodi hola parte iha IX Governu Konstitusionál.
Iha enkontru ne’e, parte rua troka hanoin oinsá atu hametin servisu bilateral entre Governu Indonezia no Timor-Leste, liu-liu área importante sira ne’ebé tutela direita ba Vise-Primeiru Ministru.
“Ohin ami mós ko’alia oinsá atu reforsa servisu sira, tanba ne’e ami tenta buka assuntu ida ne’ebé ami bele hola parte iha dezenvolvimentu rural no abitasaun komunitaria nian,” dehan Sr. Embaixadór, iha Auditoriu Gabinete Vise Primeiru Ministru, iha Palasiu Governu.
Embaixadór ne’e informa, assuntu sira ne’ebé ohin diskute ne’e sei jerál, tanba ne’e ba oin sei enkontru bebeik hodi haree assuntu sira ho dertallu.
Enkuantu, Vise-Primeiru Ministru, agradese ba Estadu Repúblika Indonézia liu husi ninia embaixadór iha Timor-Leste ne’ebé kontinua hatudu sira nia komitmentu hodi apoiu Timor nia dezenvolvimentu.
Timor ho Indonézia nudar nasaun vizijiñu ne’ebé iha kooperasaun servisu ne’ebé di’ak tebes iha area polítika, sosiu ekonomiku no kultural nian.
“Ohin enkontru ne’e ami ko’alia oinsá atu hametin relasaun servisu entre nasaun rua iha futuru, liu-liu oinsá atu hametin koordenasaun servisu iha area dezenvolvimentu rual no abitasaun komunitaria nian,” dehan Vise-Primeiru Ministru.
Iha IX Governu Konstitusionál iha ona ministériu ida ne’ebé espesial haree ba Dezenvolvimentu Rural nian, entaun aldeia no suku sira iha hotu rural ne’eba, durante ne’e governu liu husi nia pareseiru dezenvolvimentu hahú ona servisu iha kraik, agora tempu ona atu halo mapamentu hodi integra dezenvolvimentu, saida mak governu bele halo, no saida mak parseiru dezenvolvimentu sira bele halo iha futuru.
Iha ekontru ne’e partisipa husi Vise-Primeiru Ministru, Assesor Ezekutivu, Christopher Henry Samson, Embaixador Indonézia ho nia ekipa.
Media V-PM-MCAS-MDRHC
