Dili, 18/08/2023: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano Assanami Sabino, enkontru ho Prezidente Konsellu Diretivu, Millennium Challenge Account Timor-Leste, Institutu Públiku (MCA-TL, IP), Sra. Hergui Luina Fernandes Alves, no nia ekipa, ko’alia assuntu Bee, Saneamentu no Edukasaun.
Vise-Primeiru Ministru, agrades ba ekipa MCA-TL ne’ebé mai konseitu importante ho nia foku ba sanitasaun no edukasaun ne’ebé hakarak atu hari’i sentru exelente ba formasaun profesores, tanba ne’e nudar Ministru Koordenador sei apoiu oinsá koordena servisu nue’e programa ne’e labele soke malu fali ho programa governu nian.
Iha fatin hanesan, Senior Advisor Tranzisaun MCA-TL, IP, Embaixadór Cosntancio Ponto, hatete, investimentu boot ne’ebé fó husi Estadus Unidus Amerika (EUA), ho doasaun orsamentu hamutuk tokon $420, ne’ebé sei investe ba Bee, Saneamentu no Edukasaun, tanba ne’e mai husu Vise-Primeiru Ministru nia apoiu ba projetu ne’e.
“Sua Exelénsia, nudar Vise-Primeiru Ministru, Ministru Koordenadór ba Assuntu Sosiais, nia konkorda no apoiu nune’e hein katak, iha tinan oin bele implementa, agora dadauk sei hela faze preparasaun, hein katak investimentu ne’e lori transformasaun boot mai Timor-oan hotu iha área saúde nian,” dehan nia, iha Palasiu governu.
Atu implementa projetu ne’e mak hahú servisu koordenasaun ba libertasaun rai ba sentru tratamentu bee nian, halo aprovizionamentu ba kompaña internasionál ne’ebe dezeña sentru tratamentu bee no ba edukasaun nian.
Lokalizasaun sentru tratamentu bee fo’er nian ida iha Bebonuk no fatin ida iha Hera oferese husi UNTL atu hari sentru formasaun ba profesores ensinu sekundariu nian, neste momentu preparasaun la’o hela hein fulan-Dezembru prosesu sira iha rai laran remata ona, bele implementa ona.
Projetu bee no saneamentu sei hari’i de’it iha Dili, maibé sei halo mós fabriku kimiku sodium hypor chloride, ne’ebé uza ba tratamentu bee-moos no bee-fo’er nian sei fornese ba munisípiu haat mak hanesan, Likisá, Ermera, Aileu no Manatuto, maibé potensialmente iha futuru bele produz kimiku ne’ebé sufisiente atu bele fahe ba territoriu tomak.
Orsamentu ne’ebé utiliza ba implementasaun ne’e, EUA apoiu tokon $420 no Estadu Timor-Leste preve orsamentu tokon $64, ba tinan lima, hahú 2024 karik preparasaun buat hotu la’o di’ak ona.
Atu projentu ne’e bele imlementa tuir planu mak, labele iha impedimentu nune’e ba oin bele garantia ninia kontinuidade.
Media V-PM-MCAS-MDRHC
