Dili, 21/08/2023: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano Assanami Sabino, simu vizita ofisial husi delegasaun Muhammadiyah Indonezia ne’ebé lidera husi Sr. Muhammad Sayuti, iha Palasiu Governu.
Vise-Primeiru Ministro, agradese ba ekipa Muhammadiyah Indonezia, ne’ebé servisu hamutuk ho Muhammadiyah Timor-Leste halo kooperasaun servisu hodi apoiu Timor nia dezenvolvimentu iha área edukasaun, saúde no seguransa alimentar nian.
Área hirak ne’ebé mensionadu importante tebes, maiske durante ne’e iha ona AIFAESA maibé ninia kontrolu seidauk masimu tanba laboratoriu seidauk iha hodi apoiu sira nia servisu.
Ba oin atu garantia hahan ne’ebé saúdavel bainhira iha nesesidade atu exporta presiza iha instituisaun ida atu sertifika, tanba ne’e sira hakarak atu fó formasaun ba Muhammadiyah iha Timor-Leste oinsá halo negosiu.
Programa governu mós sei tau matan ba laboratoriu nasionál atu teste buat hotu-hotu integradu ho kualidade nivel internasionál nune’e mós laboratóriu nasional sei uza hodi hala’o teste virulojia, bakterolojia, maibe ba hahan nian tenki iha laboratóriu ne’ebé espesifiku.
Iha fatin hanesan, Reprejentante Muhammadiyah Indonezia, Sr. Muhammad Sayuti, hatete, delegasaun Muhammadiyah husi Universidade Ahmad Dahlan no Pimpinan Pusat Muhammadiyah hala’o enkontru ho Vise-Primeiru Ministru, ko’alia assuntu edukasaun, saude, atendimentu social no seguransa alimentar.
Muhammadiyah ejiste tinan barak ona to’o ohin loron ninia universidade hamutuk 173, klinika no hospital hamutuk 500 ejiste ona, tanba ne’e Timor-Leste presiza apar malu.
Sua Eselensia subliña katak Muhammadiyah potensial tebes atu sai parseiru iha futuru no sei apoiu hari’i klinika ho objetivu atu eleva nivel saude ba inan no oan sira.
Alende ne’e, Muhammadiyah mós iha hanoin atu fó bolsa estudu ba Timor oan sira, iha nivel lisensiatura no mestradu atu bele apar ho Timor-Leste nia presiza.
Media V-PM-MCAS-MDRHC
