𝐌𝐢𝐧𝐢𝐬𝐭𝐫𝐮 𝐊𝐨𝐨𝐫𝐝𝐞𝐧𝐚𝐝𝐨́𝐫 𝐀𝐬𝐬𝐮𝐧𝐭𝐮 𝐒𝐨𝐬𝐢𝐚𝐢𝐬, 𝐏𝐚𝐫𝐭𝐢𝐬𝐢𝐩𝐚 𝐒𝐞𝐦𝐢𝐧𝐚𝐫𝐢𝐮 𝐍𝐚𝐬𝐢𝐨𝐧𝐚́𝐥 𝐛𝐚 𝐏𝐫𝐨𝐭𝐞𝐬𝐚𝐮𝐧 𝐋𝐚𝐛𝐚𝐫𝐢𝐤 𝐧𝐨 𝐉𝐨𝐯𝐞𝐧 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞

𝐃𝐢𝐥𝐢,𝟐𝟖/𝟎𝟗/𝟐𝟎𝟐𝟑: Ministro Coordenadór dos Assuntos Sociais, Eng. Mariano ASSANAMI Sabino, partisipa seminariu nasionál ho tema “Garantia Seguransa ba Labarik no Jovens iha Timor-Leste” neebé organiza husi Parlamentu Nasionál.

Ema hotu presiza fó atensaun no protesaun ba labarik sira neebé sai futuru ba nasaun, investimentu ba oan sira nee importante tebes, Timor iha rekursu naturais, maibé atu fó kontinuidade ba ida nee mak oan sira.

Tanba nee, iha programa lubuk ida mak IX Governu Kontituisionál trasa tiha ona iha nivel Ministru Kordenadór ba Asuntu Sosiais halo ona koordenasaun interministerial neebé espesial tebes hamutuk ho UNICEF, Banku Mundiál no ajénsia hotu neebé mak liga ba nútrisaun no segurasaun alimentár.

Dadaun nee Timor hasoru hela problema boot kona-ba mál-nutrisaun kroniku no stunting okupa númeru 47%, kestaun nee kontribui makas husi bee-moos neebé la saudavel, no háhan neebé la naton.

Tanba nee, iha Dili Oeste Governu aloka kuaze tokon $125 atu estabele bee, alende nee estadu mós halo ona imprestimu kuaze besik billaun ida ona, maibé foin ezekuta rihun $300 hanesan nee hodi aloka ba Munisípiu Manufahi, Lautem, Vikeke no la kleur tan mós ba iha fatin seluk.

“Foin lalais ami halo ona enkontru interministerial ida atu haree loos deit ba bee-moos iha 2024 hodi rezolve problema bee-moos neebé tinan 24 ona ita seidauk bele solusiona too agora,” dehan, VPM iha, Salaun OKA, Osindo.

Alende nee, issue importante seluk neebé presiza kombate mak hanesan Stunting neebé sei prezudika ba labarik sira nia dezenvolvimentu.

Dala ida tan, governu iha programa no planu atu haree kona-ba asuntu nee, hein katak ho diskusaun no seminariu ida nee, ninia rezultadu laós deit ba lei, maibé mós rekomendasaun lubuk ida ba governu no ba ajensia relevante sira neebé forma hela ekipa task forse ida, atu ba haree asuntu ida nee.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂