𝐕𝐢𝐬𝐞-𝐏𝐌 𝐏𝐚𝐫𝐭𝐢𝐬𝐢𝐩𝐚 𝐀𝐧𝐢𝐯𝐞𝐫𝐬𝐚́𝐫𝐢𝐮 𝐊𝐨𝐥𝐞𝐣𝐢𝐮 𝐒𝐚𝐮𝐧 𝐌𝐢𝐠𝐮𝐞𝐥 𝐧𝐨 𝐓𝐕𝐞

𝐃𝐢𝐥𝐢, 𝟑𝟎/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano ASSANAMI Sabino, partisipa aniversáriu Eskola Kolejiu Saun Miguel Arkanju ba dala 21 no Televizaun Edukasaun (TVe) ba dala 8.

Iha serimonia selebrasaun nee TVe fahe mós sertifikadu apresiasaun ba oradores importante sira neebé durante nee sai fontes importantes hodi priense programa sira iha televizaun.

Iha oportunidade nee, Vise-Primeiru Ministru mós hetan sertifkadu apresiasaun tanba durante nee priense mós programa importante sira iha televizaun.

Iha intervensaun Vise-Primeiru Ministru, apresia no louva fundór Eskola Kolejiu Saun Miguel no TVe neebé durante nee hasoru difikuldade oi-oin, maibé ohin loron bele ejiste hodi forma rekursu umanu ohin loron kontribui ona ba konstrusaun estadu.

“Iha nee hau hakarak apresia ba fundadór Eskola Kolejiu Saun Miguel, Armindo Crisna Caetano h onia ekipa tomak neebé kontribui makas tebes durante tinan 21 nia laran ho situasaun neebé defisil, iha 1999 liu ba eskola hotu ema destroi maibé hahú husi neeba mai too ohin loron tinan 21 ita haree iha ona progresu,” dehan, Vise-PM, iha Eskola Kolejiu Saun Miguel, Rai-Kotu, Dili.

Kolejiu ida nee ema barak mai eskola iha nee ohin loron balun sai ona dosente, politiku no sira seluk iha instituisaun privada no públiku, ohin loron sira sai ona alumni, maibé sira nafatin kontribui hodi eskola nee lao ba oin.

Apresia mós ba TVe neebé durante nee sai kanal hodi loke debate oi-oin hodi buka soluasaun ba problema sira neebé akontese iha rai laran.

Lori governu nia naran, agradese no afirma katak, IX Governu Konstitusionál iha politika hodi kontinua reforsa komponente hotu-hotu neebé foti papel hodi kontribui ba konstrusaun estadu.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂