𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐀𝐬𝐬𝐮𝐧𝐭𝐮 𝐒𝐨𝐬𝐢𝐚𝐥 𝐄𝐧𝐤𝐨𝐧𝐭𝐫𝐮 𝐡𝐨 𝐏𝐃𝐇𝐉 𝐃𝐢𝐬𝐤𝐮𝐭𝐞 𝐀𝐬𝐬𝐮𝐧𝐭𝐮 𝐃𝐢𝐫𝐞𝐢𝐭𝐮𝐬 𝐇𝐮𝐦𝐚𝐧𝐮𝐬

𝐃𝐢𝐥𝐢,𝟎𝟑/𝟏𝟎/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano ASSANAMI Sabino, realiza enkontru ho Provedoria Direitu Humanu (PDHJ), hodi hato’o rekomendasaun no troka hanoin balun relasiona ho Direitu Ekonomiku, Sosial no Kultural.

Provedór PDHJ Sr. Virgilio Guterres “Lamukan” hatete, Estadu retifika ona konvensaun kona-ba Impaktu Internasionál Direitu Ekonomiku, Sosial no Kultural nune’e estadu iha obrigasaun atu kumpri kompromisu, tanba ida ne’e implika ba direitu povu nian atu hetan hahán nutritivu, direitu asesu abitasaun dignu, assesu servisu saúde, no servisu kulturais povu nian.

Tempu ona governu investe iha área abitasaun komunitária liu-liu haree ba kondisaun Dili nian nomos fatin sira seluk katak, kresimentu populasional implika atu investe iha abitasaun rural, abitasaun ne’e la’os de’it ba familia uma kain iha kapital Dili, maibé rezidensia ba estudante universitáriu hanesan dormitoriu ba sira husi munisípiu bele hela.

Alende ne’e diskute mós kona-ba bee-moos, iha Kapital Dili ne’ebe ho populasaun barak moris ho esforsu rasik fura bee ne’e implikasaun ba longu prazu bele estraga rezerva bee, entaun governu tenki halo intervensaun oinsa bele garante bee-moos ba públiku.

Iha setór edukasaun governu presiza finaliza esforsu ne’ebé governu anterior sira halo kona-ba polítika kurrikulu ensinu baziku ne’ebe apropriadu, up to date ho era dizital ida agora ne’ebe tenki integra ona ho plataforma dizital iha laran. Direitu Dizital sai hanesan komponente importante iha tempu kampana agora ba respeitu Direitu Humanu nian.

Alende ne’e Sr. Lamukan mós aprejenta hanesan provedór foun oinsá atu hadia servisu provedór ninian liu-liu foka ba asuntu fiskalizasaun ba polítika governu, tanba protudór Direitu Humanu hanesan entidade Estadu nian ne’ebé iha funsaun dupla aliende proteje Direitu Humanu, iha mós promove boa governasaun ne’e implika katak tenki reforsa komponente analiza sosial no legal ninian hodi bele fó referensia ba provedór atu halo intervensaun ne’ebé ho kualidade komperante ho parlamentu, membru governu ho ministériu sira seluk.

Setór Edukasaun, Saúde, Agrikultura no Justisa sai foku prinsipal ba fizkalizasaun provedor ninian iha tinan ida ne’e ba oin, nune’e foin remata elabora planu estratejiku 2024-2028 nian ho ida ne’e implika mudansa revizaun ba lei organika no transformasaun ba rezime servisu ninian.

PDHJ ne’ebe agora dadauk ne’e moris ho rezime jeral tan ne’e husu ba Vise-Primeiru Ministru bele fó apoiu diskusaun kona-ba transformasaun iha Konsellu-Ministru ba rezime espesial, ne’ebé objetivu ne’e atu garante di’ak liu tan independensia no integridade PDHJ nia investigadores sira.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂