𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮-𝐎𝐍𝐆 𝐁𝐞𝐥𝐮𝐧 𝐋𝐚𝐧𝐬𝐚 𝐑𝐞𝐥𝐚𝐭𝐨𝐫𝐢𝐮 𝐏𝐞𝐬𝐤𝐢𝐳𝐚 𝐀𝐫𝐭𝐞 𝐌𝐚𝐫𝐬𝐢𝐚𝐢𝐬 𝐧𝐨 𝐑𝐢𝐭𝐮𝐚𝐢𝐬

𝐃𝐢𝐥𝐢,𝟏𝟔/𝟎𝟒/𝟐𝟎𝟐𝟒: Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, lansa relatoriu Peskiza relasiona ho Arte Marsiais no Rituais nian ne’ebé halo husi ONG Belun ho nia parseiru sira, iha Salaun CNE, Kolmera.

Iha intervensaun Vise-Primeiru Ministru, agradese ba ONG Belun ho nia parseiru sira ne’ebé konsege halo peskiza refere, dadus ne’e ajuda tebes governu hodi bele halo buat ruma ba joven sira.

“Ita ko’alia arte marsiais no rituais ne’e ko’alia kona-ba joven, entaun peskiza ne’e importante ba governu atu bele trasa ninia politika bazeia ba dadus sira ne’ebé iha, Governu liu husi KRAM dadaun esforsu hela resjistu grupu sira ne’e para bele orienta ba modalidade desportivas ida,” dehan VPM.

Dadaun ne’e governu suspende hela atividade arte marsiais no rituais sira ho objetivu atu rejista sira nia membru ho rating ne’ebé sira treinu ba bainhira remata KRAM sei kompleta ninia relatoriu aprejenta ba iha Konsellu Ministru depois halo desizaun.

Tanba ne’e, ba foinsa’e sira ne’ebé involve iha grupu sira ne’e presiza disiplina, garantia paz no estabilidade, respeita ema seluk nia liberdade movimentasaun, labele hanoin hakanek ema, no hasai ema seluk nia vida.

Iha momentu luta ba libertasaun nasional ema barak (joven) helik aan iha organizasaun Arte Marsiais no Rituais halo klandestina sira liberta ona patria, tanba ne’e foinsa’e sira ikus ne’e ida-idak tenke assume responsabilidade ba ninia tempu ka jerasaun hodi kontribui ba libertasaun povu hodi sai eroi foun ba Timor-Leste ohin no ba futuru.

Ida-idak presiza prepara aan liu husi dimensaun tolu hanesan fiziku, spiritual, no mental, nune’e sai foinsa’e ne’ebé enerjiku, hatene respeitu, no matenek, entaun husi dimensaun tolu ne’e sei forma joven sira nia karakter sai ema ne’ebé útil ba sosiedade.

Partisipa iha lansamentu ne’e mai husi ONG Belun h onia parseiru sira, reprezentante Grupu Arte Marsiais no Rituais, Organizasaun Sosiedade sivil no sira seluk tan.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂