𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐀𝐠𝐫𝐚𝐝𝐞𝐬𝐞 𝐧𝐨 𝐇𝐚𝐬𝐚’𝐞 𝐆𝐥𝐨𝐫𝐢 𝐧𝐨 𝐎𝐧𝐫𝐚 𝐛𝐚 𝐀𝐮𝐭𝐨𝐫 𝐑𝐞𝐯𝐨𝐥𝐮𝐬𝐚𝐮𝐧 𝐊𝐫𝐚𝐯𝐮𝐬

𝐃𝐢𝐥𝐢,𝟐𝟓/𝟎𝟒/𝟐𝟎𝟐𝟒: Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, lori Governu nia naran agradese no hasa’e gloria no onra ba autor revolusaun kravus sira ne’ebé ohin loron iha ona mundu seluk.

Ohin loron 25 Abril, Timor-Leste selebra loron istoriku hodi halo reflesaun ba tinan 50 Revolusaun Kravus (Revolusaun Ai-funan), ne’ebé mosu iha Portugal hodi loke dalan ba nasaun sira iha afrika ne’ebé kolonializa husi Portuges bele hetan independensia iha momentu ne’eba.

Momentu ne’eba fó mós liberdade ba Timor, maibé povu tenke la’o fali tinan 24 mak foin hetan independensia, maibé atu dehan katak, loron ne’e marka historia iha historia povu Timor-Leste no povu sira iha nasaun Comunidade Pais Lingua Portuges (CPLP) no nasaun portuges rasik.

“Ita fó apresiasaun, hasa’e onra no gloria ba militar lubuk ida ne’ebé sai autor ba revolusaun ne’e, ohin balun mate ona no balun sei moris hodi fó testemuña loron importante ne’e no ita nia hakuak boot ba sira nia familia nomós ba estadu Portugal ne’ebé halo determinasaun signifikante ba ita nia istoria,” dehanVPM, Perante Serimonia Aniversariu Bombeiros Timor-Leste ba dala 24, iha Kaikoli.

Revolusaun ai-funan ne’e militar jerasaun foun sira mak halo determinasaun hon objetivu atu bele akaba ona okopusaun iha nasaun sira ne’ebé sira okupa ba.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂