𝐄𝐤𝐢𝐩𝐚 𝐅𝐨𝐫𝐬𝐚 𝐓𝐚𝐫𝐞𝐟𝐚 𝐑𝐞𝐚𝐥𝐢𝐳𝐚 𝐖𝐨𝐫𝐤𝐬𝐡𝐨𝐩 𝐀𝐥𝐭𝐮 𝐍𝐢𝐯𝐞𝐥 𝐊𝐨𝐧𝐚-𝐛𝐚 𝐀𝐬𝐬𝐮𝐧𝐭𝐮 𝐒𝐨𝐜𝐢𝐚𝐢𝐬

𝐃𝐢𝐥𝐢,𝟎𝟐/𝟎𝟓/𝟐𝟎𝟐𝟒: Gabinete Vice-Primeiro Ministro, Ministro Cordenador dos Assuntos Sociais, liu husi ekipa forsa tarefa realiza Workshop altu nivel hodi troka hanoin, no orgniza servisu ho sistematizadu hodi fó solusaun ba problema sociais ne’ebé sei ejiste iha Timor-Leste.

Iha workshop ko’alia inisiativa no programa save ba 2024-2028, parte MS, MFFP, MJDAK, MCI, MSSI, SEI, no ME, liña ministerial hirak ne’e iha ona planu no programa atu implementa no fahe mós tarefa ba Ajensia ONU sira nia disponibilidade atu investe iha setór ida ne’ebé.

Iha intervista Vise-Primeiru Ministru,

Eng. Mariano ASSANAMI Sabino, hatete, objetivu husi workshop ne’e atu koordena servisu sira ne’ebé implementa husi liña ministerial no Ajensia ONU sira ho di’ak liutan atu labele hamosu servisu dupla iha terenu.

“Workshop ne’e ita atu koorndena, sinkroniza, servisu sira ne’ebé ita atu halo ne’e labele soke malu fali iha baze, ita hakarak fahe servisu, ne’e ho efisiensia no efikas, hodi buka solusaun ba problema mal-nutrisaun ne’ebé sa’e ba 47%,” dehan Vise-PM, iha Auditoriu Kay Rala Xanana Gusmão, Ministeriu Finansas.

Ekipa forsa tarefa ne’e ba oi kontinua hametin liutan liña koordenasaun hodi monitoriza servisu sira ne’ebé implmenta ne’e la’o di’ak ka la’e karik seidauk masimu kontinua diskute hodi hetan solusaun nune’e fó resposta ba problema sociais iha rai laran.

Workshop Altu Nivel ne’e hetan partisipasaun masimu husi membru governu sira iha liña ministerial, Reprejentante Ajensia ONU sira iha Timor, Sosiedade Sivil, Ebaixadores no Koordenador IMTSA, Sr, Crishtopher Henry Samson, no Diretor Ezekutivu, Sr. Comar Mendonça no seluk tan.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂