Díli, 13/06/2024 : Kinta semana ne’e, Ministro Dezenvolvimento Rural e Habitacao Comunitaria (Sigla-Portugues MDRHC) Eng. Mariano ASSANAMI Sabino ensera formasaun Nasionál ho tema jerál Hasa’e Konesimentu Funsionáriu MDRHC, Hodi Promove Servisu No Fasilita Komunitária Rurais, tanba dezenvolvimentu rùral ne’e alvu prinsipal Ministériu nian.
Objetivu husi formasaun ne’e atu hasa’e no kapasita di’ak liu tan kapasidade funsionáriu destakadu sira nian molok tun ba baze, hodi implementa programa Ministériu nian.
Iha diskursu Ministru MDRHC Eng. Mariano ASSANAMI Sabino hatete, atu liberta povu husi ki’ak no mukit ita presija servisu hamutuk, tanba ukun-an tinan barak ona maibé povu sei moris iha pobreza nia laran.
‘’Tanba ita nia rai ukun-an tinan barak ona, 24 anos ita luta ba ukun aan mais ita kiak nafatin, mal nutrisaun iha nafatin, tamba nee mak rekruta imi sai eroi, sai lutador tamba nee ohin ba oin imi tau aan ona hanesan eroi hadomi servisu tenke sente katak hau aswain ida neebe mak terpangil tamba lutador sira dehan katak luta ba liberta povu no ohin hau hakrak halo ida nee hau hakarak liberta”, dehan Eng. ASSANAMI, iha Salaun Hotel Timor Lodge, Comoro.
Ministru husu ba funsionáriu sira presija aproveita ho di’ak matéria ne’ebé fó husi orador sira, tanba sai hanesan bukae ida.
‘’Materia ne’ebe imi hetan imi laos atu dekor maibe imi estuda para sai imi nia intelektuak, materia ne’ebe treinu imi sei aplika iha baze, sai treinador iha baze imi edukasaun, saúde, rezolusaun konflitu mos tenki hatene, nune’e Aldeia ne’e bele moris diak, ne’e hotu tenki hatene, tanba ne’e presija haraik-an, labele foti-an presija hakuan no rona ema hotu’’, nia realsa.
Joven sira tenki iha jerasionál, tanba jerasaun ida ne’e nia luta mak ida ne’e dunik kiak ne’e tenki hasai, ma-nutrisaun tenki hasai, tenki kria edukasaun ne’ebé di’ak.
Formasaun durante loron haat, materia sira ne’ebé importante tebes para sira hatene sira nia papel tun ba baze maibé mós liu-liu papel Ministériu nian liu-liu dezenvolvimentu rùral ne’e nia alvu prinsipal mak oinsa hamenus ki’ak, radika kiak, radika Ma-nutrisaun, ikus liu oinsa iha produtividade ba rai, ba fatin ne’ebé ita iha, ida ne’e mak alvu prinsipal.
Formasaun ne’e sira atu sai ajente ba iha mudansa sira ne’e la fasil maibé ho fiar katak bainhira sira lao hamutuk ho populasaun, ho inan, aman, hau hanoin sei lori susesu.
Formasaun refere halao durante loron haat ne’ebé hetan partisipasaun maximu husi funsionariu atus ida limanulu (150) no abertura husi Diretór Geral Dezenvolvimento Rúral (DGDR), Sr. Filipe Cardoso no ensera husi Ministru MDRHC Eng. Mariano ASSANAMI Sabino.
Media MDRHC
ASSANAMI : Funsionáriu Presija Servisu Makaas, Iha área Rúral
