MINISTRU MDRHC HALA’O ENKONTRU KONSULTASAUN HO ADB KONA-BA PROPOSTA PROJETU FOUN APOIU DEZENVOLVIMENTU RÚRAL

Díli, 06 Agosto 2024 Tersa Semana ne’e, Ministro do Desenvolvimento Rural E Habitação Comunitária (Sigla Portugues-MDRHC), Eng. Mariano Assanami Sabino hamutuk ho Diretór Geral Desenvolvimentu Rural (DGDR), Sr. Filipe Cardoso Vieira realiza enkontru ho Azian Development Bank (ADB), Tmor-Leste, hodi halo koordensaun no konsultasaun ba proposta projetu foun ba dezenvolvimentu rural ho naran, rural resilience living hod, iha edifisiu ADB, Farol.

Hafoin enkotru remata entervista ho Diretora ADB, Estefania Dina hateten nia parte sente kontente ho ministru nia prejensa mai iha ADB, kona ba Projetu Rural Resilience Living Hod ne’e ita iha hela faze diskusaun entre Ministeiru ho ADB projetu ne’ebe mak atu estabelese maka forenese Bee ba area rurais sira, fatin ne’ebe iha ona tarjetu mak iha Munisípiu Manatuto.

“Projetu rural resilience living hod ne’e sei foku ba Munisípiu Manatuto, ho nia orsamentu ne’ebe sei iha hela faze diskusaun maibe tuir ninia estimasaun bele atineze tokon $10 to’o 20 ne’ebe sei kobre assuntu mudansa klimatika, hadia povu nia moris, agua no saneamentu no assuntu sira seluk tan iha area rural.

Projetu ne’e ita sei foku ba munisipiu manatuto hodi haree ba ninia impaktu depois mak maximiza liutan ba povu hotu iha area rural no projetu ne’e rasik prosesu hahú agora maibe ninia implementasaun tinan oin, orsamentu ne’e la’os imprestimu maibe ne’e grand,” dehan nia.

Iha fatin hanesan Ministru MDRHC Eng. Mariano ASSANAMI Sabino hato’o agradese ba ADB ne’ebe durante ne’e apoiu ona dezenvolvimentu Timor hahu husi ukun-an to’o ohin loron.

Projetu ne rasik sei fokus liu ba iha Munisipu Manatuto depois de hare nia rejultadu mak foin ba fali munisipiu sira seluk, depois de ida ne’e sei halo diskusaun Tekniku ho Ministeiru Finansas depois aprova husi konsellu Ministru janeiru bele halo servisu.

“Ita agradese ba ADB durante ita ukun an sira sempre suporta i liu liu sira fo greand hodi apoiu dezenvolvimento rural. Maske sira foka liu ba Munisípiu Manatuto, tanba hakarak hare’e nia rezultadu, depois ba futuru ita sei hare’e tan seluk.

Depois de ida ne’e sei iha diskusaun tekniku para atu operasionaliza tekniku ho nimistra finansas iha sexta feira i hein katak to iha novembru bele asina ona, no bele aprova ona iha konselhu ministru para depois janeiru komesa halo aktividade ona”.

Diskusaun refere partisipa masimu husi ekipa ADB, Ministro MDRHC Eng. Mariano ASSANAMI Sabino, Diretór Geral DGDR Sr. Filipe Cardoso Vieira, Xefi Departementu, Assesor no Tekniku Espesialijadu husi Ministériu.

Media MDRHC