Díli : 10 Fevereiru 2025, Segunda Semana ne’e, Ministerio Desenvolvimento Rural e Habitação Comunitária (MDRHC), liu hosi Direção Nacional Inovação, Promoção e Capacitação (DNIPC) ho Plan Internasionál Timor Leste (TL) Asina Akordu Kooperasaun Teknikal ba Programa Formasaun.
Hafoin asina MOU Country Director Plan Internasionál TL Sra. Fatima Estrela Soares hatete, Plan nia papel ne’ebé maka ita konkorda hanesan parseria Mutual maka atu hare’e liu kona-ba oinsa dezenvolve enkuadramentu kapasitasaun iha área rural.
‘’Entaun depois dada lia naruk oituan kuaze besik fulan 6 entaun hare’e kona-ba saida maka ita bele halo hamutuk i ikus mai ita desidi katak presija iha asina nota entendimentu ida ne’ebé maka entre Ministériu 2, depois diskusaun naruk nafatin ita la hare’e liu ba MOU maibé ita hare’e liu ba oinsa Kooperasaun Tekniku, papel Plan Internasionál nian saida maka ita bele halo hodi aprende ba malu ne’e hanesan kooperasaun Mutual ida ne’ebé maka ami bele aprende hosi ita bo’ot sira no ita bo’ot sira bele aprende hosi ami oinsa maka ita bele haforsa rezilensia komunidade nian atu bele adapta ba iha kualker situasaun nomós ba iha prosesu dezenlovimentu rural’’, dehan Diretóra PITL Fatima Estrela Soares.
Tanba ne’e maka iha akordu kooperasaun ne’ebé maka ita sei asina Plan nia papel ne’ebé maka ita konkorda hanesan parseria Mutual maka atu hare’e liu kona-ba oinsa dezenvolve enkuadramentu kapasitasaun ida ne’ebé maka komprensivu atu bele suporta Instituisaun rasik no mós komunidade oinsa maka atu bele fornese no mós realiza atividade ida ne’ebé maka inkluziva, atividade ida ne’ebé maka sustentavel iha Aldeia no Suku sira ne’ebé maka sai hanesan tarjetu hosi Programa Dezenvolvimentu Rúral liu hosi diresaun ida ne’e.
Iha fatin hanesan, Diretór Gerál Dezenvolvimentu Rúral (DGDR) Filipe Cardoso Vieira hatete, formasaun ne’e importante tebes, tanba bele kapasita di’ak liu tan kapasidade funsionáriu iha Aldeia Alvu.
‘’Iha dokumentu nota entendimentu ida ne’e ita difini liu-liu ba iha parseria kooperasaun ne’ebé Plan fornese no apoia atividade formasaun jerál, parseria Plan liu-liu ba iha atividade difinisaun ne’ebé maka ita hakarak lori ba iha ita nia grupo Alvu sira’’, dehan DG Filipe, iha Kaikoli.
Entertantu total funsionáriu destakadu hamutuk 150 ne’ebé koloka ona iha Aldeia Alvu 70, Munisípiu 8, Postu Admistrativu 20 no Suku 43.
Media MDRHC
