Manatutu: 19 Marsu 2025, Kuarta Semana ne’e, Diretór gerál dezenvolvimentu rúral (DGDR), Filipe Cardoso Vieira hamutuk ho parseiru Internasionál hala’o vijita traballu ba Munisípiu Manatutu, hodi hare’e direita fatin ne’ebé mak Projetu pilotu sei implementa ba.
Iha enkontru Diretór Geral Desenvolvimentu Rural (DGDR), Filipe Cardoso Vieira Hatete, atu implemnta Projetu ne’e Governu TL halo ona esforsu lubuk ida hodi asina ona akordu parseiru ho ADB.
“Ita nia Governu Timor-Leste halo kooperasaun parseria ho Ajensia Internasionais atraves husi ADB hahu’u prosesu lubuk ida lao ona, prosesu lubuk ida lao ikus konklui hodi informa fali ba iha ita nia Governu katak ADB TL kolekta orsamentu para atu apoiu Governu TL, hodi finansia preokupasaun ne’e maka sai prioridade ba iha Munisípiu portantu osan ne’ebé kolekta hamutuk $ 16, 5 milloes mai husi Estadu UK, tanba ne’e mak UK tenki tó mai hodi hare’e tebes ka lae. ohin prosesu ne’e sei temi hela sei koalia nafatin bainhira los mak atu implementa rekejitus lubuk ida ita nia governu halo ezersisiu 18 Dezembru maka governu disidi indika Ministra Financas reprezenta TL asina akordu hosi ne’eba prosesu lubuk ida ita ba halo aprezentasaun iha Konsellu do Ministru (KM), hodi kontribui ba prosesu ne’e bele la’o. Iha dia 18 horseik foin ita nia governu liuhusi Konselu Ministru produs legal opiniaun hodi garnti katak efektividade apoiu orsamentu mai husi ADB hamutuk ho parseiru nasaun UK, JAPAUN ho sira seluk ne’e bele konsidera ninia efetividade ohin ba oin maka ohin delegasaun ne’e mai iha ne’e antes to’o iha Soibada ita hasoru malu ho PAM halo introdusaun lubuk ida’’, Subliña DG Filipe.
Prejensa ba Munisípiu Manatutu MDRHC liu husi DGDR hamutuk ho ekipa UK no ADB asoru malu ho PAM Manatutu Sr. Luis Inacio Henriques Fernandes, hodi Introdus objetivu prejensa no servisu sira aumesmu tenpu aprejenta mós ba Sekretária Munisipal PIDI Sra. Domingas Gilpia da Costa Soares, no APA Soibada Sra. Terezina da Costa Moniz iha nia fatin servisu Postu Administrativu Soibada.
Entertantu Autoridade Lokal Munisípiu Manatutu prontu koopera ho governu liu-liu ba Programa sira ne’ebé mak atu implementta iha Munisípiu refere, tanba lori bens estar ba povu Manatutu.
Antes ne’e Ministru MDRHC Eng. Mariano ASSANAMI Sabino hatete, apoiu ne’ebé mai husi governu Ingaltera liu-liu ba dezenvolvimentu rúral nian ne’ebé maka sira mós integra hamutuk ho grand (efeitu) ADB, ne’ebé governu UK ninia osan mós tau iha ne’eba, entaun osan hamutuk iha 16,5 milloes ba atividade iha Manatutu durante tinan lima.
Alokasaun orsamentu husi governu Reinu Unidu ida ne’e atu fasilita kona-ba projetu infraestrutura refere liu ba bee ho sanitasaun, estrada rúral, hare’e mós ba irigasaun ki’ik-oan sira, tanba nia foka liu ba oinsa atu hasa’e produtividade iha ne’eba inklui hasa’e produsaun avokate tanba iha Laclubar ne’e barak.
