𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐇𝐚𝐥𝐨 𝐃𝐢𝐚𝐥𝐨𝐠𝐮 𝐡𝐨 𝐁𝐞𝐧𝐞𝐟𝐢𝐬𝐢𝐚𝐫𝐢𝐮 𝐏𝐫𝐨𝐠𝐫𝐚𝐦𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚𝐥 𝐧𝐨 𝐇𝐚𝐛𝐢𝐭𝐚𝐬𝐚𝐮𝐧 𝐊𝐨𝐦𝐮𝐧𝐢𝐭𝐚𝐫𝐢𝐚 𝐢𝐡𝐚 𝐌𝐚𝐥𝐢𝐚𝐧𝐚

𝐁𝐎𝐁𝐎𝐍𝐀𝐑𝐔,𝟐𝟐/𝟎𝟑/𝟐𝟎𝟐𝟓: Ministro do Desenvolvimento Rural e Habitaçao Comunitària Eng. Mariano ASSANAMI Sabino, hala’o dialogu komunitaria hodi troka hanoin ho populasaun ne’ebe sai benefisiariu ba programa dezenvolvimentu rural no habitasaun komunitaria, ne’ebe implementa iha Aldeia Tunu-Bibi, Suku Tapo-Memo, Postu Administrativu Maliana, Munisipiu Bobonaru.

Dialogu komunitaria ne’e ho objetivu atu introduz programa ne’ebe implementa ona iha aldeia tarjetu sira atu nune’e benefisiariu sira bele komprende maneira no prosedimentu sira ba asesu fundu ne’ebe governu tau iha Sentru Dezenvolvimentu Aldeia (CDA), alende ne’e motiva mos komunidade atu iha espiritu badinas oinsa labele dependendia bebeik ba produtu rai liur.

Tanba ne’e, liu husi dialogu ne’e, Ministru MDRHC destaka pontus importante sira mak hanesan, dezenvolvimentu demokrasia, ekonomia, sosial no kultural, ne’ebe presiza atu hatur hodi haforsa ukun rasik aan husi baze.

Partidu politika nudar instrumentu demorasia, ne’ebe sai hanesan obsaun politika sidadaun nian hodi hili, tanba ne’e labele sai bareira hodi hafahe ita nudar maun ho alin, entaun bainhira eleisaun remata ita hotu tenke hamutuk la haree ba kor partidu, maibe ita nudar Timor oan hamutuk hodi dezenvolve ekonomia rai laran hodi liberta povu husi kiak no mukit.

Durante konstrusaun nasaun tinan 24 ona, maibe IX Governu mak foin hamosu Ministeriu MDRHC, maibe dezenvolvimentu saude, edukasaun, agrikultura rural durante la’o ona, entaun ministeriu ne’e mai atu kompleta hodi organiza, sinkroniza no integra programa dezenvolvimentu rural ne’ebe la’o ona durante ne’e.

Tanba ne’e, politika MDRHC nian ba dadaun ne’e hili ona aldeia tarjetu hahu husi 2024-2025 nian hamutuk 150-resin inklui ona aldeia 10 iha Maliana hodi implementa programa no ministeriu preve orsamentu transferensia publiku hamutuk rihun $40 to’o rihun $50 ho karakter imprestimu, tanba ne’e komunidade sira ne’ebe hakarak sai benefisiariu bele foti osan ne’e ba negosiu, hakiak ikan, animal hortikultura no gesiu seluk tan, maibe sei selu fila fali fazeadamente bainhira iha ona redimentu.

Husu ba inan aman joven sira, atu utiliza rai bokur sira halo produsaun barak liutan, Timor labele dependensia bebeik produtu rai liur, ita mos iha rai tanba sa ita labele kuda hodi han rasik ita nia produtu lokal.

Iha dialogu ne’e benefisiairiu sira aprejenta sira nia preokupasaun liu-liu husu atu apoiu trator no formasaun oinsa atu sira bele hakiak no kuda modo sira.