DILI, (15/05/2025), Assosiasaun Esposas Polisia Nasionál Timor-Leste (AESPNTL) realiza kompetisaun Jinastika dansa Poco-poco iha ambitu selebrasaun ezistensia AESPNTL ba dala rua, hala’o iha Jardim Largo Lesidere Partisipa husi grupu Feto hamutuk Sanulu Resin Ida.
Grupu Feto sanulu resin ida ne’ebé Partisipa iha kompetisaun Jinastika dansa Poco-poco kompostu husi Pura, Senan Sehat, MDRHC Sentru Saude Bekora, KBRI Dili, Korasaun Saudavel, Saude Iha Liman Rasik, Afemdil, Assosiasaun Ajensia Timor, , Telkomcel no DGSM.
Durante kompetisaun kada grupu aprezenta dansa tolu ho muzika jerál mak titulu nina Bonta no rua seluk ne’e mai husi grupu ida-idak mak aprezenta hahu iha inisiu tama no remata nian.
Hafoin grupu sanulu resin ida kompete iha jinastika dansa Poco-Poco ne’e ikus mai grupu Feto husi Sentru Saude Bekora mak sai manan nain ba primeiru lugar, Segundu Lugar husi KBR Dili, Terseiru Lugar Husi Assosiasaun Ajensia Timor, Kuartu Lugar husi Korasaun Saudavel, Kintu Lugar husi MDRHC no Sestu Lugar mai husi Saude iha liman Rasik.
Iha selebrasaun ezistensia tinan rua ne’e, Assosiasaun Esposas Polisia Nasionál Timor-Leste (AESPNTL) atribui premiu ba manan nain sira ho sertifikadu ba grupu Feto sanulu resin ida ne’ebé partisipa ona iha kompetisaun ne’e Jinastika dansa Poco-poco ne’ebé realiza iha Largo Lesidere.
Entretantu partisipa sira iha aktividade kompetisaun Jinastika dansa Poco-poco iha ambitu selebrasaun ezistensia AESPNTL ba dala rua ne’e mak Komadante Jerál PNTL Komisariu Jerál Polisia Henrique da Costa, Presidente AESPNTL Manuela de Araújo, Komandante Munisipiu sira no Unidade tolu ho Famlia AESPNTL rasik.
