Díli, 22 Maiu 2025 – Fundasaun Hadomi Timor (FTH) ne’ebe servisu parseria ho The Asia Fundation (TAF) realiza diskusaun ho parte linas Ministeriais no sosiedade sivil no akademista sira kona ba ekonomia digital iha Timor-Leste, ne’ebe ho tema “Hari’i ekonomia Digital Reziliente Iha Timor-Leste Foka ba oportunidade Dezafiu no Estratejiku sira”
Diretor ezekutivu Hadomi Timor haktuir, ekonomia dijital importante tebes tamba bele ajuda bele faan ita nia produtu sira ba rai liur liu husi fenomena foun ida ne’e
“Ekonomia dijital ne’e importante tebes iha era ida agora ita iha area rural bele asesu iha merkadu global no iha mercado global rasik mos bele faan nia produtu too iha area rural ida ne’e mak benefisiu husi ekonomia digital ne’e rasik” dehan , Diretor Ezekutivu Fundasaun Hadomi Timor (FHT), Abrao Monteiro.
Obejetivu husi diskusaun ne’e atu fó modernizasaun ba Servisu Públicu uza teknolojia digital atu fó servisu governu ne’ebé diak liu, transparente, no efisiente. Ekonomia digital bele apoia iha digitalizasaun dokumentu, sistema pagamentu online, no plataforma governansa eletrónika no fó espasu ba inovador lokal atu kria solusaun ne’ebé responde ba problema lokal hanesan fintech, agritech, edukasaun online, no e-commerce. Startup sira bele halo kontribuisaun ba dezenvolvimentu setór privado kria Oportunidade Empregu ba Juventude teknolojia digital bele loke dalan ba empregu foun: desenvolvedor software, konten kreator, tekniku IT, e-commerce, no freelancer digital.
Entretantu, partisipa iha diskusaun refere hetan partisipa husi Ministeriu Dezenvolvimento Rural e Habitação Comunitária liu husi Diresaun Gabinete Transformação e Digitalização (GATD) Diretor, Benjamin Pereira Gama, akompanha ho Xefe Deparatameto Unidade de Integrasaun do Software no Konsultor.
