Ekipa MDRHC Halao Audensia ho PAM Lautém

𝐋autém 𝟐𝟔 𝐌𝐚𝐢𝐨 𝟐𝟎𝟐𝟓: Ekipa husi Ministériu Dezenvolvimentu Rural no Habitasaun Komunitária, (MDRHC) liu husi Diresaun Jeral Habitasaun Komunitaria hala’o audiénsia ho Prezidente Autoridade Munisipál Lautém, ho objetivu audiensia ne’e, ekipa husi Ministériu Dezenvolvimentu Rural no Habitasaun Komunitária sira bele tun ba iha terenu hodi halo identifikasaun ba Professor/a sira iha Postu Administrativu Lospalos, no Postu Lautém, ne’ebé tuir despaixu husi Ministériu Edukasaun nian, audiénsia ne’e hala’o iha Sala Gabinete Prezidente Autoridade Munisipál Lautém.

Iha intervensaun Prezidente Autoridade Munisipál Lautém, Melio de Jesus, apoiu total ba programa ida ne’e, tanba iha Autoridade Munisipál Lautém mó iha programa liu husi PDIM Munisípiu nian mós tau uma kazernas ba profesór/a uma ba Saúde no Estensionista sira iha Postu, maibé programa ida ne’e sei liu husi Komisaun Revizaun Orsamentu (KRO) ne’ebé deside.

Nu’udar Prezidente Autoridade Munisipál Lautém, agradese ba Vice-Primeiro Ministro, Ministro Cordenador dos Assuntos Soçiais no Ministro do Desenvolvimento Rural e Habitação Comunitària. ne’ebé bele responde situasaun husi Ministeriu Edukasaun nian ba programa uma ba Profesór/a sira.

Enkuantu, ekipa husi Ministeriu Dezenvolvimentu Rural no Habitasaun Komunitária, husi Diresaun Jeral Habitasaun Komunitaria, ne’ebé tuir despaixu husi Ministeriu Edukasaun nian, katak iha pedidu ba halo uma Habitasaun ba profesór/a sira.

Tanba ida ne’e, ekipa sira sei tun ba iha terenu hodi halo identifikasaun ba profesór/a sira iha Postu Administrativu Postu Lospalos no Postu Lautém, aleinde ne’e mós ekipa sira sei tuir mai halo identifikasaun iha terenu ba iha Suku Baduro kona-ba uma komunitária sira.