𝐆𝐫𝐮𝐩𝐮 𝐇𝐚𝐛𝐨𝐤𝐮𝐫 𝐊𝐚𝐫𝐚𝐮 𝐢𝐡𝐚 𝐊𝐥𝐚𝐤𝐮𝐤 𝐀𝐩𝐫𝐞𝐬𝐢𝐚 𝐡𝐨 𝐏𝐫𝐨𝐠𝐫𝐚𝐦𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚𝐥

𝐌𝐚𝐧𝐮𝐟𝐚𝐡𝐢 : 𝐆𝐫𝐮𝐩𝐮 𝐇𝐚𝐛𝐨𝐤𝐮𝐫 𝐊𝐚𝐫𝐚𝐮 𝐡𝐨 𝐧𝐚𝐫𝐚𝐧 𝐓𝐢𝐠𝐚 𝐁𝐮𝐚𝐡 𝐧𝐮’𝐮𝐝𝐚𝐫 𝐛𝐞𝐧𝐞𝐟𝐢𝐬𝐢𝐚𝐫𝐢𝐮 𝐛𝐚 𝐏𝐫𝐨𝐠𝐫𝐚𝐦𝐚 𝐌𝐢𝐧𝐢𝐬𝐭𝐞𝐫𝐢𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚𝐥 𝐧𝐨 𝐇𝐚𝐛𝐢𝐭𝐚𝐬𝐚𝐮𝐧 𝐊𝐨𝐦𝐮𝐧𝐢𝐭𝐚𝐫𝐢𝐚 𝐧𝐢𝐚𝐧 𝐥𝐢𝐮 𝐡𝐮𝐬𝐢 𝐒𝐞𝐧𝐭𝐫𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐀𝐥𝐝𝐞𝐢𝐚 (𝐂𝐃𝐀) 𝐚𝐩𝐫𝐞𝐬𝐢𝐚 𝐭𝐞𝐛𝐞𝐬 𝐡𝐨 𝐩𝐫𝐨𝐠𝐫𝐚𝐦𝐚 𝐫𝐞𝐟𝐞𝐫𝐞 𝐭𝐚𝐧𝐛𝐚 𝐟𝐨 𝐨𝐫𝐬𝐚𝐦𝐞𝐧𝐭𝐮 𝐧𝐞’𝐞𝐛𝐞 𝐧𝐚𝐭𝐨𝐧 𝐡𝐨𝐝𝐢 𝐚𝐩𝐨𝐢𝐮 𝐬𝐢𝐫𝐚 𝐡𝐚𝐥𝐨 𝐚𝐭𝐢𝐯𝐢𝐝𝐚𝐝𝐞 𝐩𝐫𝐨𝐝𝐮𝐬𝐚𝐮𝐧, 𝐢𝐡𝐚 𝐒𝐮𝐤𝐮 𝐊𝐥𝐚𝐤𝐮𝐤, 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐅𝐚𝐭𝐮𝐛𝐞𝐫𝐥𝐢𝐡𝐮, 𝐌𝐮𝐧𝐢𝐬𝐢𝐩𝐢𝐮 𝐌𝐚𝐧𝐮𝐟𝐚𝐡𝐢.

Koordenador Grupu Tiga Buah, Fláviano Pereira Lopes, hatete, antes grupu ne’e hari’i, ekipa husi Ministeriu MDRHC ne’ebe lideradu husi Eng. Mariano ASSANAMI Sabino halo uluk sosializasaun ba komunidade antes aloka orsamentu mai iha CDA hodi apoiu ba grupu sira.

Grupu Tiga Buah hari’i iha fulan-Jullu 2024, no hetan ona apoiu orsamentu husi MDRHC hamutuk rihun $14 hodi operasionaliza servisu hahu husi halo lutu, kuda du’ut, hari’i uma, sosa karau hamutuk 17 no sira seluk tan.

“Ami grupu benefisiariu sira sente kontente tebes ho programa ida ne’e, agora komunidade barak komesa se tilun hakarak sai benefisiariu tanba ami hotu sente katak ho programa ida ne’e governu bele hakbesik aan ba povu, lahanesan ho governasaun anterior sira apoiu tiha orsamentu povu la’o ninian no governu mos la’o ninian,” dehan Flaviano.

Ho progresu ejistensia grupu ne’e nian mak dadaun ne’e dada ona lideransa lokal no intelektual balun komesa vizita ami nia grupu hodi haree, entaun hanesan kordenador husu ba ema hotu-hotu liu-liu foinsa’e sira ne’ebe akaba ona estudu se bele fila fali mai ita hamutuk hodi hakiak animal, kuda modo, kuda ai-fuan no sira seluk tan, la presiza halai hotu ba ema nia rain hodi servisu tanba ita nia rai mamuk mos sei barak hela.

Etretantu Koordenador grupu refere garantia katak grupu ne’ebe nia lidera sei iha sustentabilidade, tanba produsaun ne’e integradu, balun kuda modo balun hakiak animal, ita hakiak animal la konsege kuda modo ita ba sosa modo, sira ne’ebe kuda modo la konsege hakiak animal sira bele sosa naan husi ita.