𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐈𝐧𝐚𝐮𝐠𝐮𝐫𝐚 𝐓𝐮𝐫𝐢𝐳𝐦𝐮 𝐊𝐨𝐦𝐮𝐧𝐢𝐭𝐚𝐫𝐢𝐮 𝐈𝐧𝐭𝐞𝐠𝐫𝐚𝐝𝐮 𝐢𝐡𝐚 𝐋𝐢𝐤𝐢𝐬𝐚

𝐋𝐈𝐊𝐈𝐒𝐀,𝟎𝟒/𝟎𝟕/𝟐𝟎𝟐𝟓: Ministru Desenvolvimentu Rural no Habitasaun Komunitaria (MDRHC), Eng. Mariano ASSANAMI Sabino, Inaugura Eskema Implementasaun Tokodede Spot Point ne’ebe integradu ho Turizmu Komunitaria iha Aldeia Mota-Ikun (Kaitehu), Suku Mota-Ain, Postu Administrativu Bazartete, Munisipiu Likisa.

Xefe Grupu Tokodede Spot Point, Francisco Coreia, lori ninia membru hamutuk nain 45, agradese ba IX Governu Konstitusional liu-liu ba Ministeriu Dezenvolvimentu Rural no Habitasaun Komunitaria ne’ebe lidera husi Eng. Mariano ASSANAMI Sabino, ne’ebe apoiu ona orsamentu hodi grupu ne’e bele halo ninia atividade mak hanesan, hakiak ikan, kafetaria, dezenvolve ai-parapa sai turizmu komunitaria, no planu sei konstrui tan salaun multi-funsaun no kampu futsal.

“Ami agradese tanba Ministeriu Dezenvolvimentu Rural bele apoiu ami hodi dezenvolve fatin ne’e sai fatin turizmu komutariu ne’ebe integradu ami durante ne’e servisu ho volontariu tanba ne’e ami husu nafatin governu atu bele operasionaliza fatin ne’e oinsa ami bele hetan osan hodi hadia mai nia moris ba oin,” dehan Xefe Grupu iha Kaitehu.

Iha fatin hanesan Xefe Suku Mota-Ulun, apresia tebes ho Ministeriu Dezenvolvimentu Rural bele apoiu ona komunidade iha area ne’e nia ekonomia iha futuru, tanba ne’e nu’udar autoridade lokal sei kontinua kopera ho entidade hotu-hotu hodi asegura seguransa ba fatin ne’e no ba vizitante sira.

Ministru MDRHC, Eng. Mariano ASSANAMI Sabino, orsamentu ne’ebe apoiu ba grupu ne’e hamutuk $50 mill, Grupu ne’e ho modelu Koperativa tanba iha ne’e hakiak ikan, ema bele kail ikan iha ne’e, kafetaria ita hari’i ona, ita dezenvolve ona ai-parapa ba turizmu komunitaria, no ba futuru sei hakiak tan kadiuk, hari’i salaun multi-funsaun, sei hakiak no habokur karau no seluk tan.

“Ita hakarak emprega komunidade hodi hadia sira nia ekonomia, atividade ohin loron la’o ona ita sei apoiu nafatin sira atu bele operasionaliza fatin ne’e ho di’ak liutan iha futuru,” dehan Ministru MDRHC.

Partisipa iha atividade ne’e, Ministru MSSC, Sekretariu Estadu SEcooP, Sekretariu Estadu Pekuaria, Prezidente CCI Minisipiu Dili, Reprejentante Peskijador ba Kadiuk nian husi NTT, Xefe Gabinete MDRHC, Diretor Jeral Dezenvolvimentu Rural no sira seluk tan.