tes
Dili, 01 Agostu 2025 : Ministerio Dezenvolvimentu Rural e Habitasaun Kounitaria liu husi diresaun jeral dezenvolvimentu rural halao sorumutu avaliasaun dezempenu servisu ba primeiru semestre ba tinan 2025 hamutuk ho kargu chefia sira iha Ministerio Dezenvolvimentu Rural e Habitasaun Kounitaria hodi relata progresu servisu no dezafiu servisu durante primeiru semester no segundu semester.
Chefe gabinete Ministerio Dezenvolvimentu Rural e Habitasaun Kounitaria ne’ebe halao abertura ba sorumutu avaliasaun dezempennu servisu primeiru semestre ba tinan 2025 afirma, ema hotu hotu ne’ebe mai iha ministerio ne’e ho kapasidade ne’ebe lahanesan tamba ne’e nia husu ba kargu chefia sira hotu atu tau matenek hamutuk hodi dezenvolve rai ida ne’e
“ ita hotu-hotu mai ho kapasidade ne’ebe la hanesan balun hatene liu balun kapsidade naton maibe hirak ne’e tau hamutuk atu dezenvolve rai ida ne’e hau mesak labele imi mesak mos labele maibe ita hotu nia hamutuk mak foin lori ministerio ida ne’e ba oin” dehan, Chefe gabinete, Leo da Costa Oliveira. Iha Salaun, Alfela Villa Verde.
Entretantu iha oportunidade ne’e Diretor jeral Dezenvolvimentu Rural akresenta, iha preimeiro semestre no Segundo semestre diresaun jeral dezenvolvimentu rural elabora kalendariu de servisu aktividade sira hotu definidu iha kalendariu de servisu atu nunee bele konkretiza iha assaun de servisu.
“Iha fulan janeiro too jullu aktividade sira ne’ebe definidu iha kalendariu kolektivamente ita diskute no ita prepara hodi oinsa ita bele leno aan ba iha kalendariu definidu atu bele konkretiza iha asaun de servisu agora ita hakarak hatene saida mak ita hetan ona no saida mak seidauk obstakulu no dejafiu saida mak sai hanesan bareira ohin ita fakar sai hodi hatene hodi nunee ita atu define estrategia atu iha fulan neen tuir mai ita nia dezempenamentu presta duni atu kontribui iha terefa de servisu neebe ita define” dehan, Diretor jeral, Dezenvolvimentu Rural, Filipe Viera Cardoso.
