tes
Dili, 24 de Outubru 2025 – Ministerio Dezenvolvimentu Rural no Habitação Comunitária (MDRHC) liu husi Diresaun Nasional Controlu Qualidade Habitação (DNCQH), hahu halo progresu servisu ba konstrusaun Cobe House faze II iha edificio MDRHC Rua Kaikoli Dili.
Tuir Diretor Nasional Controlu Qualidade Habitação (Sigla Portugues DNCQH), Eng. Saturnino Gomes Brito de Caldas hateten katak objetivu husi konstrusaun ne’e hodi fo espasu ne’ebe adekuadu no naton ba funsionario sira atu bele exerse sira nia funsaun ho diak.
“Ministerio MDRHC presiza mos iha Office Central ida para hodi hala’o servisu administrasaun nian tamba ministerio ne’e nia intervensaun iha area rural, hala’o servisu iha area rural no mos hari habitasaun ba iha komunidade, iha plano 2023-2024 konsege konstrui cobe house faze I ne’ebé daudaun ne’e utiliza ona no sai icon ba Ministerio ne’e. Cobe House faze II sei iha hela prosesu konstrusaun nia laran”
Entertantu, prosesu konstrusaun oficio cobe house faze II ne’e sei kontinua no foin to etapa (halo fondasi) ho progresu fisiku mais e menus foin atinji 10%. Projetu ne’e hala’o husi kompania Li-Shi tuir kontratu servisu ne’ebe determina ona katak, durasaun tempu ba konstrusaun cobe house faze II sei finaliza iha fulan tolu (3) nia laran.
Ministerio Dezenvolvimentu Rural no Habitação Comunitária (MDRHC) liu husi Diresaun Nasional Controlu Qualidade Habitação (DNCQH), kontinua halo monitorizasaun regular ou diaria hodi asegura katak servisu sei lao tuir padraun tekniku no tuir tempo ne’ebe determina ona, Remata.
Media MDRHC