Departamentu Administrasaun, Komunikasaun, no Protokolu, serbisu husi DNARH responsável ba administrasaun, komunikasaun, no protokolu husi servisu sira MDRHC nian.
Kompete ba Departamentu Administrasaun, Komunikasaun, no Protokolu atu:
- Fornese servisu administrativu ba unidade servisu hotu iha MDRHC, tuir konformidade no padraun sira ne’ebé aprova husi DACP;
- Fornese apoiu tékniku-administrativu, iha sira nia aspetu hotu, tuir konformidade ho orientasaun superiores, ba orgaun no servisu MDRHC;
- Estabelese servisu arkuivu sentrál MDRHC nian;
- Jeré dokumentu no arkivu hotu husi MDRHC, kria baze dadus ho informasaun hotu ne’ebé presiza ba rejistu;
- Asegura no trata prosedimentu formál hotu relasiona ho korespondénsia ofisial no organiza sira nia arkuivu ho forma adekuada;
- Elabora proposta ba kuadru pessoal ba Departamentu nian, garante identifikasaun funsaun espesífiku sira ba funsionáriu sira ne’ebé iha Departamentu nia laran, hodi kumpri no respeitu ba planu orsamentu internu;
- Elabora dokumentu sira ne’ebé presiza, iha ámbitu administrasaun públika nian, atu garante funsionamentu regular no efetivu husi Departamentu;
- Ezerse tarefa sira seluk ne’ebé atribui husi lei, regulamentu, ka determinasaun superior nian.
*RESOURCE: Diploma Ministerial N.º 18 /2024 de 28 de Fevereiro Artigu 21.º Departamentu Administrasaun, Komunikasaun, no Protokolu