Departamentu Kooperasaun, abreviadamente designadu hanesan DEC, mak servisu Unidade Parseria no Kooperasaun, ne’ebé responsável ba tarefa sira kona-ba estabelesimentu relasaun institusionál ho parseiru nasionál no estranjeiru.
Kabe ba DEC atu:
- Dezenvolve no asegura relasaun kooperasaun ho parseiru dezenvolvimentu, nasionál ka internasionál, ho koordenasaun hamutuk ho departamentu governu sira seluk;
- Asegura rekolha no tratamentu ba dadus husi instituisaun solidariedade sosial no husi benefisiáriu sira iha programa sosiál ne’ebé implementa iha komunidade nia laran, no mós rekolha dadus estatístiku sira kona-ba setór solidariedade sosial nian, ho koordenasaun hamutuk ho departamentu governu ne’ebé iha kompeténsia iha asuntus solidariedade sosial nian;
- Jere no mantein baze dadus atualizadu relasiona ho asaun no projetu dezenvolvimentu rural integradu ho servisu no ministériu relevante sira seluk, atu halo kruzamentu ka cross referencing, sistematizasaun no kontrolu dadus relevante sira.
- Efetua tarefa sira seluk ne’ebé atribuídu liu husi lei, regulamentu ka determinasaun superior nian.
Departamentu Kooperasaun lidera husi Xefe Departamentu ida, ne’ebé nomeadu bazeia ba rejime jurídiku ba kargu diresaun no xefia iha Administrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 30.º Departamentu Kooperasaun