Diresaun Nasionál ba Administrasaun no Rekursu Umanu, abreviadamente DNARH, mak servisu husi DGSC ne’ebé responsável ba prátika atu realiza atividade material ne’ebé presiza, atu exerse kompeténsia sira relasiona ho administrasaun jeral no jestaun rekursu umanu.

DNARH nia responsabilidade mak :

  1. Elabora, promove, disemina no assegura implementasaun polítika, estratéjia, no padraun prosedimentu relasionadu ho jestaun administrasaun jeral no rekursu umanu, no kumpri ho lejislasaun vijente no prátika di’ak iha área jestaun rekursu umanu;
  2. Fornese servisu administrasaun ba unidade servisu hotu iha MDRHC, ho padraun sira ne’ebé aprova atu garante satisfasaun ba nia utilizasaun;
  3. Fó apoiu tékniku-administrativu, iha sira nia aspetu hotu, konforme orientasaun superiór, ba órgaun no servisu hotu iha MDRHC nian laran;
  4. Estabelese servisu arkivu sentrál Ministériu nian;
  5. Jere rejistu no arkivu hotu iha MDRHC;
  6. Garante organizasaun, instrusaun no prosesu dokumentu hotu relasionadu ho rekrutamentu no jestaun rekursu umanu iha MDRHC, no asegura atu la afeta atribuisaun Komisaun Servisu Públiku nian;
  7. Estabelese regra no prosedimentu uniforme ba rejistu no aprovasaun substituisaun, transferénsia, falta, lisensa, subsidiu no suplementu remuneratóriu ba rekursu umanu Ministériu nian;
  8. Koordena no jere avaliasaun anuál dezempeñu rekursu umanu Ministériu nian;
  9. Elabora informasaun estatístika kona-ba rekursu umanu Ministériu nian;
  10. Apoiu dezenvolvimentu estratéjia atu inklui perspetiva jéneru iha Ministériu;
  11. Koordena elaborasaun proposta mapa pessoál Ministériu nian, hamutuk ho órgaun no servisu hotu iha Ministériu nia laran.
  12. Realiza knaar ka tarefa seluk ne’ebé atribuídu husi lei, regulamentu, ka determinasaun superior nian.

DNARH dirije husi Diretor Nasionál ida, ne’ebé subordinadu ba Diretor-Jeral Servisu Korpórativu, no nomeadu iha termu sira husi réjimu jurídiku ba kargu diresaun no xefia iha Administração Públika.