Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária

Mariano Assanami Sabino

Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária sei tulun Primeiru-Ministru iha koordenasaun no supervizaun ba membrus Governu ne’ebé responsavel ba ezekusaun polítikas ba área governasaun iha aspetu sosiál, liuliu Ministériu Solidariedade Sosiál no Inkluzaun, Ministériu Asuntus Kombatetentes Libertasaun Nasionál, Ministériu Saúde, Ministériu Ensinu Superiór, Siénsia no Kultura, Ministériu Edukasaun, Ministériu Juventude, Desportu, Arte no Kultura.

Nu’udár Ministru Koordenadór Asuntus Sosiais, na’i-ulun ne’e iha kompeténsia atu koordena elaborasaun, ezekusaun no kontrolu ba polítika hirak ne’ebé define ona husi Konsellu Ministrus iha áreas sosiál, koordena preparasaun no organizasaun traballu departamentu governamentál nian sira ne’ebé tutela ba nia, akompaña no avalia traballu no prestasaun servisu membrus Governu nian ne’ebé temi iha númeru anteriór, propoin no dezenvolve polítikas públikas ho karákter sosiál ne’ebé kontribui ba melloria prestasaun servisu ba sidadaun sira, koordena preparasaun no organizasaun traballu governamentál iha área sosiál no garante koordenasaun ho entidade relevantes ne’ebé kontribui ba dezenvolvimentu sosiál.

Nu’udár Ministru Dezenvolvimentu Rurál no Abitasaun Komunitária, nia iha responsabilidade ba konsesaun, ezekusaun, koordenasaun no avaliasaun polítikas, ne’ebé define no aprova ona husi Konsellu Ministrus ba áreas relevantes ho melloria kondisaun moris, oportunidade no asesibilidade iha zona rurál, dezenvolvimentu inisiativas promotoras ba diversifikasaun atividades, kriasaun empregu iha espasu rurál, ho objetivu atu konsolida ninia estrutura produtiva.

Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Habitasaun Komunitária maka sei tutela ba: Komisaun Nasionál Desportu, Komisaun Reguladora Artes Marsiais, I.P., Servisu Apoiu Sosiedade Sivíl no Auditoria Sosiál, I.P., Institutu Nasionál Kombate HIV/SIDA, I.P. (INCSIDA), Institutu Defeza Direitus Labarik I.P. (INDDICA) no Unidade Misaun ba Kombate Raes Badak.

 

Ministerio Desemvolvimento Rural no Habitasaun Komunitaria (MDRHK), nudar departamentu Governu ne’ebe responsavel ba dezeñu, implementasaun, koordenasaun no avaliasaun ba politika definidu no hetan aprovasaun husi konselhu Minístru iiha area sira ne’ebe liga ho melhoramentu kodisaun moris, oportunidade no asesibilidade iha area rural, inisiativa hodi dezenvolve atu promove diversifikasaun atividade sira, kriasaun empregu iha espasu rural.

Dezenvolvimentu rural no Habitasaun, nu’udar pilár principal hodi fornese dezemvolvimentu, harmoníza atu sustenta moris di’ak no dignu ba sidadaun sira hotu iha area rurais liu husi dezenvolvimentu ekonómiku no social. Iha parte selu;, konstrusaun uma ne’ebe adekuadu ho kondisaun hijiene hodi proteje privasidade família idaidak.

Dezemvolvimentu rural sai fatór importante hodi empodera ekonomia ho objetivu atu reduz pobreza iha rurais hodi kontribuiba realizasaun objetivu dezenvolvimentu sustentável (ODS). Ema hotu hotu iha direituatu hela iha uma ne’ebe dignu, nune’e, Minísteriu ida ne’e focus hodi kria kondisaun no medidas sira ne’ebe sei garante ba konstrusaun uma no habitante sira.