Departamentu Kontrolu Kualidade hanesan servisu husi DNCQH ne’ebé responsável atu kontrola kualidade konstrusaun ba habitasaun/uma ne’ebé sai responsabilidade ka kargu MDRHC nian.
Departamentu Kontrolu Kualidade mak responsabiliza atu:
- Elabora no implementa planu estratéjiku atu asegura funsionamentu di’ak ba Departamentu nian, nune’e tenke estabelese objetivu klaru, metas ho prazu definidu no tenke hetan aprovasaun husi Diretór DNCQH nian;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNCQH nian;
- Kontrola konstrusaun habitasaun ka uma ne’ebé sai responsabilidade MDRHC nian, iha eskala Programa Dezenvolvimentu Habitasaun nian;
- Halo inspeksaun no fiskaliza material konstrusaun sira ne’ebé aplikadu ba konstrusaun habitasaun inklui Planu no Programa Habitasaun Komunitária nian, ho koordenasaun hamutuk ho departamentu governu nian responsável ba área obras públika no entidade relevante sira seluk;
- Avalia konstrusaun iha programa habitasaun komunitária nian, ho koordenasaun hamutuk ho departamentu governu ne’ebé relevantes;
- Avalia konstrusaun rehabilitasaun nian, ho koordenasaun hamutuk ho departamentu governu ne’ebé relevantes.
- Dezenvolve proposta ba kuadru pessoal ba Departamentu, asegura identifikasaun ba funsaun espesífiku husi funsionáriu sira iha Departamentu nia laran, hodi kumpri no respeitu ba planu orsamentu internu;
- Dezenvolve dokumentu sira ne’ebé nesesáriu, iha área jestaun administrasaun públika, atu garante funsionamentu regular no efetivu ba Departamentu; i. Ezerse tarefa sira seluk ne’ebé atribui liu husi lei, regulamentu ka determinasaun superior nian.
Departamentu Kontrolu Kualidade nian hanesan lidera husi Xefe Departamentu, ne’ebé nomeia iha termu ba rejime legal kargu sira iha direksaun no xefia administração públika.
*RESOURSE: Diploma Ministerial N.º 18 /2024 de 28 de Fevereiro Artigu 17.o Departamentu Kontrolu Kualidade