Departamentu Lojístika mak servisu husi DNFPL ne’ebé responsável ba inventáriu, manutensaun no konservasaun ba bens móveis no imóveis ne’ebé afeta ba diresaun nasionais sira husi MDRHC, no mós fornese bens konsúmivel sira ne’ebé presiza ba funsionamentu servisu sira iha MDRHC DNFPL.
Kabe ba Departamentu Lojístika atu:
- Organiza, koordena, kontrola no jere operasaun lojístika tuir konformidade ho regras no normas komplementár ne’ebé vigora;
- Garante apoiu lojístiku ba órgaun sira no servisu sira iha MDRHC;
- Jere no monitoriza frotu veikulu sira iha MDRHC, define padraun sira ba uzu, gastu ba kambustíbel, uzu ba sistema GPS no padraun sira ba servisu manutensaun;
- Jere ho efikás stok, armazenamentu seguru no inventáriu periódiku ba bens konsúmivel sira no ekipamentu sira iha MDRHC;
- Garante jestaun no protesaun ba bens móveis no imóveis Estadu nian ne’ebé afeta ba MDRHC liuhusi reparasaun no defini programa ba manutensaun periódika no tuir kontratu públiku ezistente ba nia efeitu;
- Garante inventáriu, manutensaun no konservasaun ba patrimóniu Estadu iha MDRHC no koordena atividade sira ne’ebé relasionadu ho ida ne’e ho servisu seluk sira, atu hatene nesesidade sira nian no halo prosedimentu ba akizisaun no distribuisaun ba materiais no ekipamentu sira iha unidade no sub-unidade orgánika ka funsional sira;
- Koordena no garante inventáriu, jestaun no kontrolu patrimóniu sai no tama iha armazén sira iha unidade orgánika iha MDRHC liuhusi implementasaun ba sistema kontrolu no inspeksaun.
- Jere armazén ba bens, ekipamentu sira no materiais husi MDRHC nian;
- Propoin akizisaun ba bens no ekipamentu sira ne’ebé presiza ba funsionamentu di’ak husi atividade sira Ministériu nian;
- Garante manutensaun no konservasaun ba veikulu, ekipamentu sira no bens patrimoniais seluk Estadu nian ne’ebé MDRHC jere;
- Supervisiona manutensaun no limpeza ba edifísiu prinsipál MDRHC nian;
- Garante instalasaun, funsionamentu no integrasaun ba estrutura teknolójika hotu-hotu Ministériu nian;
- Fornese apoiu lojístiku ba diretores nasionais iha implementasaun programa no atividade sira;
- Dezenvolve proposta ba kuadru pesoál Departamentu nian, garante identifikasaun ba funsaun espesífiku husi funsionáriu sira iha Departamentu nia laran, hodi kumpri no respeitu ba planu orsamentál internu;
- Dezenvolve dokumentus ne’ebé presiza, iha enkuadramentu ba jestaun administrasaun públika, atu garante funsionamentu regular no efetivu ba Departamentu;
- Efetua tarefa sira seluk ne’ebé atribuídu liu husi lei, regulamentu ka desizaun superior nian.
Departamentu Lojístika lidera husi Xefe Departamentu ida ne’ebé nomeadu bazeia ba rejime jurídiku ba kargu diresaun no xefia iha Administrasaun Públika.