PM Interinu Agradese Ba Governu Xina Ne’ebe Fasilita Konsulta Saude Gratuita Ba Populasaun

Ro Naval Xina Peace Ark, nia tarjetu konsulta saude ba fatin tolu, Dili, Atauro no likisa. Iha Dili kosulta saude iha kedas ro laran, Likisa no Atauro ho Helikoptru.

Relasiona ho atividade ida ne’e mak, Primeiru-Ministru Interinu, lori IX Governu Konstitusional nia naran agradese ba Governu Xina, liu husi nia embaixada iha Timor bele fasilita Naval Hospital Ship “Peace Ark” mai to’o iha ne’e hodi halo konsulta saude ba populasaun sira ne’ebe presiza.

“Apresia no agradese teb-tebes ba solidaridade ne’ebe iha, entre Timor-Leste ho Xina, ba Ro paz ne’ebe agora dadaun apoiu hela konsulta mediku gratuita ba Timoroan liu husi kooperasaun ho Ministeriu Saude nian,” dehan PM Interinu, hafoin serimonia han kalan hamutuk, iha Ro Peace Ark.

Atendimentu hanesan ne’e importante tebes hodi hametin liu tan amizade no solidaridade ne’ebe iha ona, antigamente kedas husi tempu defisil durante luta nia laran ne’ebe nasaun Xina sempre fo apoiu liu husi Konsellu Seguransa ONU nian to’o ohin loron kontinua servisu hamutuk ba dezenvolvimentu povu no nasaun husi ohin no ba futuru.

Partisipa iha serimonia konfraternizasaun ne’e partisipa husi, Prezidente Republika, Ministra Saude, diplomata sira, emprezariu Xineza iha Timor no alta entidade seluk tan.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂