𝐃𝐢𝐥𝐢,𝟏𝟓/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, simu audensia husi Organizasaun Programa Servisu Monitorizasaun Justisa (JSMP), hodi relata sira nia rezultadu monitorizaun justisa no servisu Parlamentu Nasionál nian, iha Palasiu governu.
Iha intervista Vise-Diretór JSMP, Sr. Casimiro dos Santos, hatete, enkntru ne’e JSMP mai hato’o kongratulasaun ba kargu ne’ebe Sua Exelénsia assume.
Alende ne’e, objetivu seluk mak JSMP aprezenta programa sira ba Sua Exelénsia no diskute mós possibilidade ne’ebe mak iha futuru atu hala’o servisu hamutuk, nune’e haree mós ba lei sira relasiona ho area dezenvolvimentu rural.
“Sua Eselensia senti ksolok tebes nune’e sei kontinua servisu hamutuk liu husi ekipa ne’ebe mak iha ona, hodi kontinua hala’o konsultasaun no koordenasaun ho JSMP,” dehan nia, iha Palasiu Governu.
Alende ne’e, haree mós ba servisu ne’ebé durante ne’e JSMP halo no fó kontribuisaun liu husi Setór Justisu no Parlamentu Nasionál halo analiza legal liu-liu ba lei sira ne’ebe mak produz iha Parlamentu.
Programa ne’ebe aprezenta JSMP aprejenta mak hanesan monitorizasaun ba Setór Justisa no Servisu Parlamentu nian, haree na rekursu ne’ebé limitadu mak JSMP halo monitorizasaun liu de’it husi komisaun, entaun ba oin iha possibilidade JSMP sei observa kondisaun servisu seluk ne’ebe presiza atu haree liu-liu area ne’ebé iha relasaun ho dezenvolvimentu rural no habitasaun komunitaria nian.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒- 𝐌𝐃𝐑𝐇𝐂
