𝐀𝐬𝐬𝐨𝐬𝐢𝐚𝐬𝐚𝐮𝐧 𝐓𝐮𝐫𝐢𝐳𝐦𝐮 𝐑𝐞𝐥𝐢𝐣𝐢𝐨𝐳𝐮 𝐏𝐥𝐚𝐧𝐮 𝐃𝐞𝐳𝐞𝐧𝐯𝐨𝐥𝐯𝐞 𝐒𝐢𝐭𝐢𝐮 𝐓𝐮𝐫𝐢𝐬𝐭𝐢𝐤𝐮 𝐑𝐞𝐥𝐢𝐣𝐢𝐨𝐳𝐮 𝟏𝟐 𝐢𝐡𝐚 𝐓𝐢𝐦𝐨𝐫

𝐃𝐢𝐥𝐢, 𝟎𝟑/𝟏𝟎/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro do Desenvolvimento Rural e Habitação Comunitária Eng. Mariano ASSANAMI Sabino, konvoka reuniaun ho Asosiasaun Turizmu Relijioza Timor-Leste (ATRTL), ne’ebé tuir planu sei dezenvolve sitiu turistiku 12 ne’ebé identifikadu ona.

Asosiasaun Turizmu Relijioza, kompostu husi relijiaun lima (5), mak hanesan, Katóliku, Protestante, Komucu, Hindu, no Musulmano, asosiasaun ne’e hari’i iha 25, Marsu, 2023, ne’ebé servisu parseria ajuda mós iha sosiedade sivil ne’ebé durante ne’e hetan ajudu.

“Ohin ami mai aprezenta servisu kooperasaun ne’ebe ita hala’o ona tinan rua liu ba iha sitius turistiku relijiozu husi relijiaun 5 ne’ebe mak ita la’o daudaun ona,” dehan Pe. Angelo Salchina, iha Palasiu Governu.

Iha enkontru ne’e, asosiasasaun aprezenta relatoriu ba Vice-Primeiro Ministro, Ministro Coordenadór dos Assuntos Sociais no oinsá kooperasaun ne’e la para de’it, maibe kontinua nafatin ba oin hodi tranforma sitiu sira ne’e ba kooperativa ida ne’ebé mais integradu abranjente ba sustentabilidade iha fatin hirak ne’e.

“Ne’ebe ita nia nukleu 12 provizoriu i agora ba oin maka ita hanoin atu dezenvolve nukleu sira ne’e bele hamrik mesak no bele servisu mais intensivu i dezenvolve sitius sira ne’ebe ne’ebe ita iha,” Pe. Angelo subliña.

Resposta husi Vise-Primeiru Miistru pozitivu teb-tebes katak, konseitu ne’ebé Asosiasaun Turismu Relijiozu iha aprejenta kona kedas ho planu governu kona-ba turizmu komunitáriu nian ne’ebé mais sustentavel.

Tanba ne’e, sua exelensia husu atu asosiasaun turizmu kada fulan tolu, bele dialogu ko’alia atu nune’e planu sira ne’e hotu mais vizivel, mais realizavel iha komunidade liu-liu iha parte rural nian, iha nukleu sira ne’ebé estabelese tiha ona.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂